itapod bisan an gipupukisi nga katungdanan, ngatanan ha akon nasiring: "Iton iito usa nga buang; diri nasabot kun inuunano an panginabuhi!" Ginngangaranan ako han padi nga pilosopo, usa nga sunglog nga karuyag sidngon nga usa ako nga nagkakababa la, nga naparayaw han akon hinbaruan didto ha Universidad, lugod nga diri ngani ito say ko ginpupulsan. Bangin gad la man gud ako usa nga bu- ang ngan hira asya an may ada buot; hino ba in makakatukib?
Ngan an tigurang pinmiling dapit paglikay hin usa nga panhunahuna, ngan magpadayon:
— An ikaduha nga isasagdon ko ha imo amo an pakisagdon han padi, han gobernadorsilyo ngan han ngatanan nga tawo nga may katungdanan: tatagan ka nira hin mga sagdon nga magraot, mga linurong ug waray himurulsan, kundi an pakisagdon diri kay karuyag sidngon nga pagsunod han ira sagdon: pagpaabat la nga nagsusunod ka, sugad han imo mahimo, ngan pagpakita nga say mo hira gin-aalagad.
Nagpinanmurubuot hi Ibarra nadaliay, katima magsiring:
— Iton imo sagdon maupay kundi makuri tumanon. Diri ko ba mahihimo pagtuman hinin akon talinguha hin waray makakalambong nga ano man? Diri ba mahihimo nga an mga maupay nga buhat sumulabi han ngatanan. tungod la nga an kamatuuran diri nagkikinahanglan nga manhuram hin panapton dida han sayop?
— Salit waray nahagugugma han kamatuuran kay waray panapton! —binmaton an lagas. —Maupay la ito ha panhunahuna, nahihimo la ito ha mga inop han mga batan on. Inawa an kaagi hito nga magturutdo ha liburan nga nanalinguha la hin kawang; usa nga kasingkasing hin bata nga nagbiling han kaupayan ug say hinkaplagan an mga durugas ug mga harahara. Nagsiring ka ha akon nga dumuruong ka dinhi ha imo tuna, matuod. Tikang ha siyahan nga adlaw nga imo iinabot gintagan mo hin kaarawdan, an padi nga bantog dinhi nga banal, dida han mga tawo, ug makinaadmananon dida han iya mga igkasi. Hinaot pa unta nga ini nga kasugad waray pa say paglarang han imo kabubwason. Ayaw pakasiring nga bakay kay an mga dominiko ug mga agustino nakakayubit han sutana nga ginggon, han bakgong nga pisi ngan hiton diri hiro nga sapin,
