12
man la liwat per accidens<:4> han kalaksi han pagyakan, kun may . . . —Ta, ako, por accidens y por mi(24) maaram ako han hinpapatungdan, P. Sibyla!—binmul-ang an militar han pag-abat nga nagtitikasamok la lugod han damo na nga mga paglainlain ngan nahulop kaduwas lugod, kun madayon, hiya pa in kauntugan han kasaypanan. —Maaram ako han hinpapatungdan ngan paglalainlainon ni V. R. yana. Ha sulod hin pira kaadlaw nga hi Fr. Damaso waray didto ha San Diego an iya coadjutor naglubong hin usa nga minatay, hin usa nga tawo nga han buhi pa darayawon kaupay. . . oo! darayawon kaupay! Iginkakarukayakan ko hin nakadamo ngan didto ako saka ha iya balay. Nga waray magkumpisal bisan makausa, ano man? Ako, diri ako nakumpisal, kundi an pagpabantog nga adto nga tawo nag-unay pagpakamatay usa nga buwa, usa nga butangbutang. Tawo nga sugad hadto, nga may anak nga amo la nga ginmamayuyo ug ginlalauman, tawo nga may pagtoo sa Dios, nga nasabot han iya mga turumanon ha igkasitawo, dungganan ngan matadong, diri mag-uunay pagpatay ha iya ngahaw. Ini pinamulong ko ngan diri ko na luluwason iton iba pa nga akon nahuhunahunaan, ngan sadang ha akon magpasalamat
hi V. R. Ngan talikdan an pransiskano magpadayon: —Ta, masayod kamo; ini nga padi, han paghibalik ngadto ha San Diego, katima pagduyagi han iya makaluluoy nga coadjutor, nagsugo pagpabukad han minatay didto ha panlubnganan ngan igpadara ngadto paglubong ambot kun diin la. An bungto ha San Diego nauraura kamatalaw nga waray gud pag-aringasa, matuod man gud diri damo an nahibaro; an minatay waray gud bisan mausa nga urupod ngan an iya uusa la nga anak nakadto ha Europa. Kundi hi S. E. nahabaro ngan, tungod kay tawo nga matadong an kasingkasing, nangaro nga pahamaanon an may sala . . . ngan hi P. Damaso nabalhin ngadto hin usa nga bungto nga mauruupay. Amo ini ngatanan an nahinabo! Yana buhaton ni V. R. an imo mga paglainlain. Ngan katima hini niya pamulong pumaharayo dida han alirong. —Nabibido ako nga, waray la ako sasabot, say ko ngayan nabukwat in usa nga hihirutan nga himangrawon,— namulong hi P. Sibyla nagbibinasol. —Kundi, kun naghinga-
