230
hin mga manluluhod. Hi Kapitan Tiyago, may sul-ot nga
prak, nalingkod dida han mga bangko nga andam ha mga
ginhaupan, salit an kabataan nga diri ha iya nakilala nag-
papakasiring nga gobernadorsilyo hiya liwat ngan amo in
diri pamamagpasipara pagpaharani ha iya.
Inmabot na ngahaw an Alcalde upod an iya mga ka- sugbong, didto guwa ha sakristiya, ngan linmingkod didto hin usa han mga magpakaruruyag nga linkuran nga nan- hihitamak ha alkumbra, Nakakasul-ot an Alcalde han ka- nan ha katungdanan niya nga isurul-ot kun mga iglilihi, nagsukrob han banda ni Carlos III ngan nagbutang hin upat, kun lima ba, nga mga kadungganan nga mga medalya. Waray hiya kilal'a han bungto.
-Us! nakasiring in usa nga parauma; -sibil daw ito nga nagbiste pagkakomedyante! - -Kalibutan mo! siniko hiya han iya katupad; asya ito an prinsipi Villardo nga hinkit'an ta kagab-i didto han komedya.
Hinmataas an gahom han Alcalde ha mga mata han bungto kay naginprinsipi nga ingkantado nga parapama- tay hin mga higante.
Nagtikang an misa. An nagkakalingkod, nagkatuk- daw; an nanhihingaturog, nanhimangno han mga tiling- tiling ngan han maaningal nga tingog han mga kantudis. Hi P. Salvi, bisan la nagpupusing-ot, baga nahakakaruyag kay an nadiyakono ug nasubdiyakono ha iya amo in du- duha nga agustino.
Tagsa ha ira kinmanta han pag-abuta han ira tungod, matuod magkadilain nga tingog, kay may uraura kangu- hok, may diri hinsasayuran an pagluwas, labot han opis- yante kay dapit nakurog an tingog, masukot bumulag, salit nanhihipahiyom an iya mga kilala. Matuod igo gihapon ngan angayan an iya kiwa; nadominos-bobiskom ngani hi- nihilig niya hin gutiay an iya ulo ngan ngadto ha atop an paniplat. Kun pagkit'on ta nga inaasuhan han insiyenso makakasiring kita nga matuod an kan Galeno pagtangdo(") nga umagi an aso ha irong ngadto ha utok tikang ha ba- gul-bagol ha may alunggigising kay naunat, ginagangad an ulo, napitad ngadto ha tungatunga han altar hin dako nga kamakatarag-ob pagkit'on, salit hi Kapitan Tiyago nakasi- ring nga lupig pa ngani an komedyante nga insik kagab-i nga nagsul-ot kaemperador, pinintaran an bayhon, may
