239
alog. Kay dida hini nga yinaknan nagtutuha na la hi P.
Damaso, diri tungod kay maupay hiya magtinag-alog, kundi
tungod kay pinakakasiring niya nga an mga pilipinos ha
lalawigan waray mga sarabutan mahatungod hin mga lagdaan han pinulungan, diri hiya nahakakaawod nga magsinayop hiya ha ira atubangan. Ha mga kakatsilaan lain an
iya tulos: nakabati hiya nga may mga lagdaan han pinulungan nga tingali dida han mga mamarati may maada usa nga
nakag-aram hito,(12) bangin asya an Alcalde Mayor; salit
ginsusurat niya anay an iya wali, inuupay niya, hinahamis,
ngan katima iya tinatanog ngan pagsarisarihan hin mga
pira anay kaadlaw.
Bantog nga waray sinmabot, bisan usa han nanhitam bong, han kahulugan han wali: uraura hin kamangarol han ira sarabutan, ngan an magwarali uraura hin kahalarom siring pa ni Hermana Rufa, salit nagyaos la hira hin pamulat han uras nga ipanunuok kay waray umabot, ug an tampalasan nga apo han diyusnon nga lagas nga babayi bin malik la pagkaturog.
Kundi bisan la, darudamo gihapon an himurulsan nga nakuha han iba nga manmarati dida hini nga bahin han wali sugad han aton aabaton ngadi ha uruunhan.
Tinikangan niya hin Mana kapatir kong kristyano(13) ngan dayon pasundi hin yambat nga diri hinsasabutan; hinnabihan an kalag. an impyerno, an mahal na santo pintakasi, nahamangraw han mga magpakasasala nga mga indiyo ug han mga magtadong nga kapadian nga pransiskano.
-Tara! -sinmiring ha iya kaupod in usa hadton duduha nga waray mga tahod nga taga Manila; pamati ko hito ininsik,(15) magawas ako.
Kundi han pag-abat nga sinadhan an mga agian, didto gawas ha sakristiya ug nanhipanguruthaw an mga tawo pati an nagwawali nga namusag, nahapaukoy dida han pinamumulong; may nagpamulat hadto nga maglililigsa gud, kundi waray, ginkinita na la ni P. Damaso ngada han katago, ngan igpadayon an wali.
Nagwagwag na ngahaw hin duro nga pakaraot han mga panuigon,(16) han kakulang hin pagtahod, han tidangan nga kawaray tuluuhan. Baga asya ini dinhi an tukib niya kaupay kay kun pagkit'on may ada gud ipinakakatakos, mabaskog ngan mahanay mangasoy. Hinnanabihan an mga magpakasasala nga diri nangungumpisal,(17) nga nagkaka-
