242
baw hin usa nga tayod ngan hikikit'an niya hi Maria Clara ha usa nga tanaman. Saho managhila didto ha ubos han siong an mga tawo hadton ira minapot nga mga bungto.
Hi P. Salvi nakakaduha na pagtitilingtiling, kundi nahimo la nga usa nga pag-ugsong han kalayo; hi Fr. Damaso matig-a an ulo, hinaruhalaba pa an wali. Hi Fr. Sibyla nagpipinanakmol ngan nakakadamo na pag-aayad han iya salaming ha mata nga binalarawan hin bulawan; hi Fr. Manuel Martin la an dapit nahakakalipay hin pamati, naghihipahiyom.
Tinmakas na gihapon an Dios ug nagsiring nga igo na: an magwarali ginul'an ngan linmusad dida han walihan.
Ngatanan namagkaluhod ha pagpasalamat sa Dios, an Alcalde naglusgos han mga mata, inmunat hin usa nga butkon, sugad hin nanhihimanhod, ngan nagluwas hin usa nga halawig nga "aaah!"
Gintapos an misa.
Dida han nakanta hira Balbino ngan hi Chananay han Incarnatus est, ngan ngatanan nanluluhod ug an kapadian nan-guguko, usa katawo hinmuring kan Ibarra hin pagkasiring: "Magbutang ngani hiton siyahan nga bato, ayaw paantaw dida biton padi, ayaw lugsong ngadto ha luong, ayaw paharani hiton bato kay kinabuhi mo nga hauunong."
Hi Ibarra nakasiplat kan Elias nga, katapos hini pamulong, nawara dida han kadam'an.
