nga nalulupitan didto ha tuna hin mga bahol nga gipat. Ini
nga likisan, nga pinabibirik hin duduha nga kaling, nakakapadako han kusog han tawo tungod han mga ruyda nga
nginipunan, matuod mahinay an paglakat.
—Kitaa,— nasiring an madarag nga tawo nga kinmapot pagbirik han kaling, — kitaa, Nyor Juan; bisan hinin akon la kusog nakakahimo ako hin pagpasaka ug pagpalusad hiton gidadakui nga bato . . . Nahabubutang gud hin maupay nga nahihimo in pag-igo han kahataas, o kahamubo han pagpasaka kun pagpalusad man, han bato, ngan an mga tawo didto ha luong makakahimo hin paghingayad ug pagtakop hin maupay han duduha nga bato kun ako dinhi say kumapot.
Hi Nyor Juan napirit hin pagdayaw hadto nga tawo nga may lain la nga panhiyom. An namamagkinita naghihiruhimangraw: ira gindidinayaw an madarag nga tawo.
—Hino in nagtutdo ha imo kamakinista?, pinakianhan ni Nyor Juan.
—Hi itay, hi adton itay, binmaton upod an iya hiniyuman.
—Hino man in nagtutdo kan adton imo itay? . . . —Hi D. Saturnino, an apoy ni D. Crisostomo .
—Waray ako sasabot nga hi D. Saturnino. . .
—Us! damo an hinbabaruan! Diri la kay nalamba hin maupay ngan nagbubulad ha kaadlawan han iya mga tawo, kundi kay maaram pa liwat magpukaw han nangangaturog sugad man maaram magpakaturog han nagmamata. Kikitaon mo na kun ano an hinbaruan ko kan iya itay, makita ka!
Ngan an madarag nga tawo nahiyom hin baga urusahon.
Ha bawbaw hin usa nga lamisa nga hinanigan hin panapton ha Persia nakadto an timga nga binias ngan han ngatanan nga iburutang didto hadto nga masugadsugad hin lungon: usa nga kahunkahon nga salaming nga madakmol asya in susudlan hadto nga hinumduman hin usa nga panahon, nga mga sano, ha urhi nga katuigan, hibubukwatan. Hi Tasyo, an pilosopo nga nakada tambong, nagpipinamurubuot, nasiring:
—Tingali mga sano nga adlaw, kun ini nga buhat, nga yana gintitikangan, madaan na, katapos pamaglabay han ka-
