tuigan, ngan maguba tungod han mga linog, kun tungodman han magguruba nga kamot han tawo, ngan dida haniya nagub❜an tumubo an banwa ngan han balagon; an banwa ug an balagon ginpara han panahon pati an naharun-og nga mga tigkahoy magintaputapo na nga pagsasadngon han ha-
ngin, ngan mapara na dida han mga paypay han Kaagi an lunlon hinumduman pati an mga ngaran han namagguol dinhi, kay hinngalimtan na han mga tawo ha kamadugayan: tingali, kun inin yana nga katulinan, upod hini nga tuna, matap-ukan, mawara na ha bawbaw han tuna, an landok hin
usa nga magmirina, ha pagtip-ak han lanas, makatapang pagbukwat dida han mga bato hin mga urusahon ug mga surupaton. Tingali an kamag-araman hadto nga panahon nga manag-ukoy dinhi hini nga mga daplin mamay-ada buruhaton, sugad hiton mga buruhaton hiton mga ehiptologos yana didto han mga salin hin usa nga gidadakui nga bungto nga aadto nawara ha kadayunan ug waray matahap nga aabutan hira han gihahalabai nga kagab-ihon. Bangin in usa nga makinaadmananon nga magturutdo magsiring ha iya mga tinutduan nga tiglima ug tigpito pa la katuig an idad, ha
usa nga yinaknan nga kasahiran na hadto han kalibutan: "Kaginuuhan! Katima pag-usisaha ug pagtun'i hin tul-id han mga butang nga hin-agian ha ilarom hinin aton tuna, katima kasupat hin pira nga mga kurit ug kahuwad ha aton yinaknan hin pira kapulong, makakahimo kita yana
pagsiring hin waray ruhaduha nga ini nga mga butang kanan hadton panahon han diri pa kaupay pukrat an tawo, kanan hadton masirom pa an panuigon nga usahay itinatampo ta ha mga susumaton nga diri sadang tuuron. lini an akon igindidig-on; basi kamo makag-isip-isip hin tinalagudti kun tiunano an kawaray uswag han aton kaapuy-apuyan, igsusumat ko ha iyo nga an mangurukoy hadto dinhi hini nga tuna diri la kay namamaghangad hin hadi, kundi kay bisan la ha pagsulpat han mga kakurian han ira gobyerno napakiana hira didto ha luyo nga katapusan han kalibutan, nga tingali yana aadto ha salad han kala-lawdan. Sugadsugad hin usa nga lawas nga basi makakiwa kinahanglan pumakiana anay han ulo nga aadto ha lain nga lugar. Ini nga diri sadang tuuron nga ira kahimtang nga tingali iyo la pakasidngon nga sumat, diri niyo hipa-pausahan kun aton tukibon an kinabuhi hadto nga mga umurukoy nga haros diri angay tawagon nga mga tawo!
