Hadto nga una nga mga panahon, adto nga mga umuru- koy iginkakasarusarabot pa (makakasiring hira) han ira Maglalarang, kay ini may ada mga tinubyanan nga mga tawo nga nasahi han iba ngan namamagdara na ha tini- kangan han ira mga ngaran hinin magpakatitingala nga mga kurit nga M. R. P. Fr. nga asya an ginkakariwariwahan han kamag-araman hin pagsupat kun ano. Nasiring iton diri kaupay naton lasgod nga magturutdo hin mga pinulungan, kay uusa la kagatos nga yinaknan in hinbabaruan dida han diri hiro nga mga yinaknan, han kadaan, nga an M.R.P. bangin karuyag sidngon nga Muy Rico Propietario (Mang- garanon nga tag-iya hin mga kalugaringon kay ini nga mga tinubyanan baga dapit mga diyos, magtadong kaupay, mga lasgod ha pagyakan, mga makinaadmananon ngan diri gud nagbubuhat bisan han gigutiayi nga sayop bisan dako an ira bantog ug gahom, salit asya akon igindidig-on nga ini nga mga tawo nasahi han iba. Ngan kun diri pa ini igo nga ipakakagmatuod, iini pa in akon igdidig-on nga diri rini- riwa han iba, lugod ngani nagtitidamo la an nauyon, nga ini nga mga urusahon nga mga tawo nakakahimo pagpalu- sad han Dios nganhi ha tuna ha pagluwas la hin pira kapu- long, nga an Dios diri nakakagyakan kun diri dida la ha ira baba, nga ini nga Dios ira kinakaon, iniinom an iya dugo ngan usahay danay nira igpakaon han iba nga tawo . . .
Ini ug iba pa nga mga yawyaw asya an ipinapapagya- kan han diri matinuuron nga pilosopo han mga darahigon nga mga tawo han kabubuwason. Tingali hiya nagsasayop, ngan kaduwas la; kundi balika ta an aton sumat.
Didto han mga kiyosko nga kakulop hinkit'an ta nga gintitirukan han magturutdo ha liburan han iya kabataan, igin-andam an pamahaw nga maupay ug patakas. Kundi an tarangkaan han kabataan ha liburan waray butangi bisan la mausa kabotelya nga irinmon, mga karan'on lugod, mga bunga hin kahoy asya in damo. Dida han kinaraykayan nga suy-ab, nga ginkakarangkitan han duduha nga kiyus- ko, may mga lingkuran nga andam han mga musiko ngan hin usa nga lamisa nga puno hin mga karan'on ug mga dulse ngan hin mga pitsil nga sinudlan hin tubig, ngan binawbawan hin mga hinugpong nga bukad ngan dahon, nga andam han bisan hino nga uhawon.
An magturutdo ha liburan nagpatindog hin mga da- raplason nga anibong nga sinibuhan ngan hin mga lalakdon,
