makasiplat han urusahon nga hinaruhagdan nga mga tig-
kahoy nga didto gintindog; hinkit'an niya an madarag nga
tawo nga sinmaludo hin matinahuron ngan nagtinutok ha
iya hin kita nadaliay. Nahatingala hiya han pakasiplat didto kan Elias nga pinmirok hin tinuyo pagpahanumdom ha
iya han iginsiring niya didto ha singbahan.
An padi nagsukrob dayon han mga panapton ha pag- misa ngan nagtikang an pagbunyag han bato: an sakristan mayor, nga buta an luyo nga mata, asya an nabitbit han basahan, ngan in usa nga monosilyos nadara han isopo ngan han pitsil han tubig nga bendita. An iba nga mga tawo nga nakada naglilibot ha ira, namamagkita, nanunukdaw, nanu- nukas, waray tingol, salit bisan gutiay la an tingog ni P. Salvi hinbabatian ngan inaabat nga nakurog.
Dida hini, iginsulod na ngahaw didto han binias nga salaming an ngatanan nga iburutang didto: mga surat, pa- hayagan, medalya, salapi ug iba pa, ngan an bias isulod liwat didto han binias man liwat nga timga ngan katapos suldahon pagsarop hin maupay.
—Senyor Ibarra, ibutang na ito didto hiton sadang butangan. Naghihinulat inin padi! —hinmuring an Alcalde han batan'on.
—Karuyag ko unta, binmaton ini, —kundi, mapa- sulabi daw ako han Sr. Escribano; hiya, tungod han iya katungdanan, asya an angay maghatag hin kadig-on(2) hinin aton yana ginkakatirukan!
Inmungud-ungod an Escribano, linusad an inalkum- brahan nga hagdan tipakadto ha sag-od han luong ngan igpahamtang hin hinayhinay an iya dara didto han kalu- haban han bato. Kataliwan hini, kumapot an padi han isopo ngan itunlob didto han tubig nga bendita ngan pag- sabligan an bato.
Uras na nga an tagsatagsa manmutang hin tinag-usa kasakwit han inunaw nga ikuruta didto ha bawbaw han bato didto ha luong basi an itakop dumukot hin maupay ngan diri magkahinisughisog.
Dinulhan ni Ibarra an Alcalde hin usa nga sakwit nga ikuruta nga salapi ngan sinilsilan han petsa hadto nga ad- law han bulan; kundi hi S. E. nagyakan anay ha kadam'an hin kinatsila:
"Mga taga San Diego! —Nagsiring hin garhob nga tingog; —pinangunguluhan ko yana nga uras in usa nga
