son an akon balay bin pasak’i!
Ngan dumalagan, dara an telegrama ngan han serbilyeta, waray kalo, ginpapasunudsunuran han iba bin mga tawag ug mga pakiana.
Kun sumat la adto nga masulod ha bungto an mga tulisan diri pa makalilisang hin sugad.
—Kundi, pamati daw! — Sano aabot — Ano kuno? —Hi su Excelencia?
Kundi hi Kapitan Tiyago harayo na lugaring.
Maabot hi S. E. ngan aada sasaka ha balay ni Kapitan Tiyago! — nanhihipasiring an iba waray pamamaghunahuna nga nakada an anak ngan han maurumangad.
—Diri lisa nga kapili — nagsiring ini.
An mga prayle naggigipasirusiplat, an karuyag nira sidngon nga “An Capitan General nagpapasagad han iya karuyag(2) ginugutiayan ha aton, kombento unta an iya angay sak’an,” kundi tungod kay uruyon an ira panhunahuna, waray na la may nagtingol.
—Kakulop pa ako hito sumati, — nagyakan an Alcalde, — kundi hi S. E. waray pa panhuhunahuna hin pagpahinayon.
—Maaram hi V. E. Sr. Alcalde kun maiiha dinhi an Capitan General? — nagpakiana an alperes nababaraka.
—Diri ako tukib gud; ayon ni S. E. an pagbudhi.
—Aadi pa in nagkakaabot nga telegrama!
Say inabutan an Alcalde, an alperes ug an gobernadorsilyo, asya gihapon nga sumat: pagpasabot han tiarabot. An mga prayle inmabat nga an padi waray abuta hin usa ngada ha iya.
—Hi S. E. maabot ha mga ikaupat niyan nga kulop!— nagpahayag hin himuot an Alcalde; — makakapangaon kita hin waray kabilinggan.
Marumanghod la adto han kan Leonidas pagsiring didto ha Las Termopilas: “Niyan nga gab-i igsasaro ta hin panihapon hi Pluton!”
Binmalik an kabatasanan nga kahanay han karukayakan.
—Naabat ako nga waray dinhi an aton bantog nga magwarali! — nagsiring, dapit nag-aalang, in usa han mga empleados nga kanan daog an dagway ug waray tubtobngada han panangka pagbubuka han baba, ngan han bug-os nga adlaw hadto pa la pagyayakan.
