17
—Ikaw ba an parasiday nga tagsurat hadton mga siday nga say nagpaunob ha akon kasingkasing han paghigugma han lugaringon-tuna? Sinumatan ako nga diri ka na nagsusurat, kundi waray ako sumati kay ano . . . —Kun kay ano? Tungod kay diri nahihimo in pagtawag han Musa basi paggarungan ngan magbinuwa. May usa nga iginsumbong tungod kay iginbutang ha siday in usa nga kamatuuran ni Pero Grullo.(1) Ako ginngangaranan nga parasiday, kundi diri ako pagngangaranan nga lurong.(2) —Mahihimo ta paghibarui kun ano ito nga kamatuu ran? —Nagsiring la nga an anak han liyon liyon man gihapon.(3) Tungod hini ubusay la halinon. Ngan adto nga nalutod nga batan’on binmulag dida han alirong. Haros nagdadalagan inmabot in usa ngatawo nga matawatawa, an pamanapton sugad han kanan mga didtuanon, mga brilyante an batunis ha dughan. Pinmaharani kan Ibarra ngan makigkamot ha iya namulong: —Karuyag ko makigkilala ha imo, Sr. Ibarra; hi Ka pitan Tiyago sangkay ko kaupay, iginkakilala ko an imo amay ... an ngaran ko hi Kapitan Tinong, aadto ha Tondo(4) an akon balay ngan imo man liwat; naglalaom ako nga mga sano makadto ka ha amon; didto ha amon buwas paniudto! Hi Ibarra dapit nabibihag hadto nga pagpakita bin kaburut’on: hi Kapitan Tinong naghihiniyumhiyom ngan naghihinaruhapyod han iya mga kamot. —Salamat! — binaton niya hin maupay; — kundi magikan ako buwas ngahaw ngadto ha San Diego.... —Abudaw! Kun su gad, ta, ha imo pagbalik! —Andam na an pagkaon!— nagpasabot in usa nga suruguon ha Cafe La Campana.(,) An mga tawo nagtikang hin paghinsarang, kundi waray gihapion kahimo kun diri magpaanuano an kababayin’an, labi na an mga pilipinhon.
