18
III. AN PANIHAPON
“Jele jele bago quiere”.(”
Hi Fr. Sibyla baga hin-ayunan; hinminay hin paglakat ngan nawara an panyam-id dida han mga hugot ug magnipis niya nga mga im-im; inmungay pa ngani pakighimangraw han piol nga Dr. de Espadana nga nagpapamaton hin tinag-usa kapulong tungod kay dapit ngual. An pransiskano maraot hin duro an kaburut’on, nanmamanyak han mga lingkuran nga nakakaulang han iya inaagian ngan siniko pa ngani in usa nga kadete. An tenyente waray tawatawa; an iba duro an karukayakan ngan namamagdinayaw han magpakaiipa nga butang ha lamisa. Hi Da. Victorina pinmakuros han iya irong, kundi waray kaiha lumingi, nangingisog, sugad hin usa nga halas nga hintamakan; ngayan kay tinamakan han tenyente an ikog-ikog han iya panapton. —Ano, waray ka mata?— nganiya. —May ada, ginang ngan duduha nga mag-uruupay hiton imo; kundi kay na:gkikinita ako hiton imo mga pakurong, — binmaton an waray pagtagad nga militar ngan pumaharayo. Dara han panhiara, an duha nga prayle nagpasingadto ha panguluhan han lamisa ngan, kaiya na gihapon, nahanabo didto an sugad hiton nahananabo hiton nag-aagaw hin usa nga katungdanan ha pagtutdo; naggigipadayawdayaw an tagsatagsa han kinaadman ug kalabaw han iya igin-kakaagaw, balitaw suhi ug balikad an karuyag sidngon ngan nangurutob unina kun diri say nakakadara. —Andam ito ha imo, Fr. Damaso! —Ha imo ito, Fr. Sibyla! —Uruuna ka ha akon nga kilala dinhi hini nga balay . . . kumpisalan ka hadton namatay . . . labaw ka ha panuigon, katungdanan ug dungog . . .(2) —Hin sumiring ka nga lagas na gud diri man! Lugod ikaw asya an padi dinhi hini nga arrabal!(3)— binmaton hi Fr. Damaso, an tingog kanan nauurit, kundi waray bubuhii an lingkuran. —Kay imo man sugo masugot ako! — hinumanan ni P. Sibyla ngan mag-ililingkod. —Diri ako nagsusugo! — namaribad an pransiskano.
