in usa nga iroy. . . kundi, ambot kun ano in bubuhaton ko. . . waray ako sasabot. . . mapatay ada ako. . . akon. . . diri! Ginoo ko! kundi haros diri ko ada sisiplatan . . . kundi, kalain man la hinin imo panhunahuna, Kapitana Maria!
— Bisan pa,— nalanat hi Hermana Rufa, —diri sadang hingalimtan nga usa nga dako nga sala an pagpasipara hin usa katawo nga diyusnon.
— An ngaran han mga kag-anak labi kadiyusnon! —binaton ni Kapitana Maria. —Waray makakahimo pagpasipara hito nga ngaran, bisan an Papa, say pa hi P. Damaso?
— Kamatuuranl— nakasiring hi Kapitana Tinay nga nahapapahungat na la han mga kinaadman han duduha;—diin kamo kukuha hito nga mag-upay nga katadungan?
— Kundi unina an eskomunyon ngan han kahulog ha impyerno?— diri napalupig hi Rufa. —Pag-aanhon mo an mga dungog ug maupay nga ngaran dinhi hini nga kinabuhi kun didto ha lain pagsasakiton kita?Ngatanan nalabay. . . kundi an eskomunyon... an pagpasipara hin usa nga panlawas ni Jesucristo . . . waray hito nakakagpasaylo kundi an Papa la !
— Igpapasaylo han Dios nga nagsusugo nga diri kita magpakaraot han aton amay ug han aton iroy; diri an Dios maeskomulgar ha imo! lini in pulong ko ha iyo; kun ito nga batan'on sumaka ha balay kakarawton ko ngan pakikiangayan ko; kun may ada ko anak nga babayi ipapapangasawa ko: an maupay nga anak maupay manta nga asawa ngan maupay nga amay; tuod la, Piermana Rufa!
— Ta, diri ito asya an akon; saho ko man kun umunano ka ngan bisan pa baga mamay-imo katadungan, an padi gihapon akon tutuuron. Siyahan an pagtalwas han akon kalag, aw ano, Kapitana Tinay?
— Ay! ambot ano in mayayakan ko! Kamo ngaduha may katadungan; may katadungan an padi, may katadungan man liwat an Dios! Ambot, usa la ako nga waray sarabutan. . . An akon la, an diri na la pagpatuon hinin akon anak! Nasiring nga an may mga kinaadman pinanmimitay! Maria Santisima! Karuyag pa ba makadto ha Europa inin akon anak!
—Mag-aano ka man?
—Sisidngon ko nga diri lumakat. Ano pa in pagkinahanglan hin hibaro? Sano buwas mapatay kita, sarama
