griyego inmuswag, iginduduas ngan ikinukurog.
An ngatanan nanhitingala: diri gud ada tiaw an pangisog ni S. E. kay nagpasipara papaghinulat han mga prayle. Hi Fr. Sibyla sinmiring:
—Waray ko tuyo ha iya... nalilibang la ako dinhi!
—Amo man ako, — nagyakan in usa nga agustino: ―tana!
—Diri maupay usisahon ta lugod kun ano an iya panhunahuna? nagpakiana hi P. Salvi; ―mapupugngan ta nga diri mahanabo in makaaralo... ngan... papapanhinumdumon ta han iya mga turumanon ha... Tuluuhan.
—Makakadayon na hira VV. RR.!— nagsiring an ayudante nga nagbunyog han batan'on nga diri nasabot han griyego, ngada ha pagtigawas, may dara nga kalipay ha nawong.
Hi Fr. Sibyla asya an siyahan sumulod, ha iya luyo nasunod hira P. Salvi ngan hi P. Manuel Martin ngan han iba pa nga kapadian. Namaghatag hin mapinaubsanon nga katalahuran, labot kan P. Sibyla nga bisan dida ha pagguko nagpakita gihapon hin kilos nga kanan pagpakalabaw; hi P. Salvi lugod haros mapilo ha may hawak.
—Hino ha kanda VV. RR. in hi P. Damaso? ―pinmakiana hin tigda hi S. E. ugsa mapapanlingkod, waray anay pakiana kun magtiunano an ira mga lawas, bisan na man la ha paglabot ha ira hin pagdayaw nga pulong nga amo an hin-aaraan hadto nga mga dagko nga pagkatawo.
—Hi P. Damaso waray dinhi hitampo ha amon, senyor!binmaton hin haros sugad kamamara nga tingog hi Fr. Sibyla.
—Aadto ha banig, masakit an suruguon ni V. E.,—mapinaubsanon sinmagbang hi P. Salvi; —katima namon paghatag hin katalahuran ug kasayod nga maupay an lawas ni V. E., sugad han nagiginturumanon han mga magupay nga sakop han Hadi ug nahaaangay han tawo nga may pamatasan, tuyo man namon liwat in pagkanhi ha ngaran han matinahuron nga alagad ni V. E. nga tungod hin kawaray palad...
—Oh!— tinapo han Capitan General, pinmabirik ha iya lingkuran ngan humarahara, -kun an ngatanan nga mga alagad hinin akon ekselensiya sugad kan P. Damaso, gabay say ako na la in mag-alagad ha akon!
An mga reberensiyas nga nakada nanhihipatukdaw
