pinya. An iya buhok, nga nagiginmarko han iya biyuuson
nga bayhon, nakakapadugang han iya dapit masilhag nga
paglud-as ngan say na la, haros, nakakahatag ha iya hin kinabuhi an iya mga mata nga puno hin kasamdong. Ha iya
harani nakada an iya duduha nga sangkay ngan hi Andeng
nga may dara nga hinugpong nga asusenas.
Pinanhimurso hiya ni De Espadana, kinita an iya dila,
pinakianhan hin mga pira nga pakisana ngan sumiring, napiling:
—Ma..., masakit, kundi mabubulong! Dinmako an buot ni Da. Victorina ngan naniplat paluyuluyo. Liquen nga may gatas ikinaaga, jarabe de altea, duha nga pildoras nga sinoglosa! an sugo ni De Espadana.
—Dig-una an imo kasingkasing, Clarita, nasiring hi Da. Victorina nga nagtiharani: pagbulong ha imo inin amon pagkanhi . . . Igpapakilala ko ha imo inin amon patod! Hi Linares nahapapanganga pagkinita hadton magsiniringon nga mga mata nga daw may ginbibiniling nga kahimo, ngan waray pakabati nga gintitinawag hiya ni Da. Victorina.
—Sr. Linares, ginsiring han padi, unay pagsangpit ha iya dida han iya paghipahungat; aadi tikanhi hi P. Damaso. Matuod man gud tisaka hi P. Damaso, ginduduas ngan dapit masamdong; han pagbuhat la niya ha banig, an siyahan niya nga linaoy amo hi Maria Clara. Diri na hiya asya an P. Damaso han una, nga mabakod ngan mayakan; yana maukoy na ngan hialang kun maglakat.
———oOo———
Hin waray magtagad bisan kanay nagpadayon la hiya ngadto han higdaan han masakit ngan kaptan ini ha kamot:
—Maria! nasiring hin mainugayon kaupay nga tingog, dungan han panuro han iya mga luha dida ha mga ma- ta; Maria, anak ko, diri ka mamamatay!
Pinmukrat hi Maria Clara ngan magkinita ha iya ha paghitingala.
Waray bisan hino han nakilala han pransiskano may nakahunahuna nga ini may ada ngayan mga pagbati; ha sa-
