wa, hm! susudlan nga buhat...? masayon; maaram ka magbasa ngan magsurat?
—Nakatapos ako han pagkaabogado ha Universidad Central!
—Panulay! Parapamukwat ka ngayan hin kalipungan? Baga waray ka sugad nga dagway... baga ka in daraga pag- kit'on,kundi, maupay ngani! Lugaring an pagbiling hin asawa... hm-hmm! asawa...
—Padre, diri gad ako ikag kaupay, nagsiring hi Linares, dako an kaalo. Kundi hi P. Damaso naglinakatlakat patapustapos an suy-ab ngan nagnginginurutob:
—Usa nga asawa! usa nga asawa! An iya bayhon diri na mabiduon ngan diri man malipayon; yana nahimuot ngan baga may ada gin-iinisip-isip.
Hi P. Salvi nagkinita hini ngatanan tikang didto ha antaw.
—Waray gud ako paglaom nga makabido ha akon hin sugad! ngani P. Damaso, iginbibikho an tingog; -kun- di ha duha nga maraot, gapilan an gutiay.
Ngan darudakuon an tingog daupon hi Linares. —Kadi ka, idoy, nganiya; makikighimangraw kita kan Santiago.
Kinulba hi Linares ngan pinmalugos na la pag-upod han padi nga, hamtang naglalakat, nagpipinainuino.
Dida hini hi P. Salvi naman an tinmulos paglinakatlakat, amo gihapon an tinulos nga batasan, an pagpinamutu-buto.
Usa nga tingog nga naghatag ha iya hin maupay nga adlaw say nakapaukoy han iya mauyam nga suduysudoy: ginmangad han ulo ngan say niya hinkit'an hi Lucas nga naghahatag ha iya hin mapinaubsanon nga katalahuran.
—Ano imo? - say pinmakiana an mga mata han padi.
—Padre, bugto ako han namatay hadton kaadlawan han patron! binmaton hi Lucas hin malinuhaon nga tingog.
Inmisol hi P. Salvi.
—Ta, ano man? — an tingog ni P. Salvi nga an tuman la nga binabati. Hi Lucas dako an pangahas nga makagtuok, nagpipinamahid hin panyo ha iya mga mata.
—Padre, nganiya, nagngunguyngoy, nakadto ako ha balay ni D. Crisostomo pangaro nga baydan . . . siyahan
