rina han pag-ukoy han padi, —kun ano nga may tawo nga
naruruyag pangasawa hin sugad hito nga mga babayi kamagpakaharadlok; harayo pa kinikilala na kun mga taga
diin, sinasabot nga haros magkakamamatay hin kaawa: kay
amo daw! pipira in kinakarawat hin usa nga alperes?
—Ta, asya adto, D. Santiago, sidnga iton imo patod nga papag-andamon iton masakit ha pagkarawat buwas han aga; makanhi ako niyan nga gab-i mahatungod hiton iya pa talagudti nga mga sala...
Ngan han pakakita la nga hi Dada Isabel nagawas sidngon hin tinag-alog:
—Papag-andama iton imo umangkon hin pagkumpisal niyan nga gab-i; buwas han aga dudulungan ko hin viatico; mag-uupay hiya hini layon...
—Kundi, padre,—nagpasipara pagriwa hi Linares, -bangin nakakasiring ka nga may ada kataragman hin kamatay?
—Ayaw kabaraka! ―binaton niya hin waray sirusiplat, —maaram ako hiton akon binubuhat; damo na in gintambungan ko nga magsakit. Labot pa, hiya in mag-iigo. kun makarawat hiya kun diri, ngan maabat ka nga masiring manta nga oo.
Ha pagkadagmit hi Kapitan Tiyago sinmiring nga oo.
Hi Dada Isabel sinmulod ngadto han hinihigdaan han masakit.
Hi Maria Clara naghihinigda pa, duason, duason gud, kaupay; ha harani niya nakada an iya duduha nga sangkay.
—Tulon liwat mausa kalugas, —ngani Sinang nga gutiay la an tingog dinmuhol hin usa kalugas nga mabusag nga bulong nga iya kinuha didto hin usa nga gutiay nga tubo nga salaming; —nasiring nga kun umabat ka na nga may nanhuhuni ha imo talinga iukoy mo na ini nga bulong.
-Waray na balik ha imo pagsurat? pinmakiana hin gutiay nga tingog an masakit.
—Waray, tingali damo in buhat!
—Waray tugon ha akon?
—Nasiring la nga tatalinguhaon niya nga talwason hiya han arsobispo dida ha eskomunyon basi...
Nahaukoy anay an himangraw kay sinmulod an dada.
—Nasiring an padi nga mag-andam ka pagkumpisal, iday, an siring han dada; —bayai niyo anay basi mag-isip-isip.
