tan'on hin hinay ngan gutiay nga tingog, nagkikinita han
suga —han kasayod ko, lumakat ako dayon ngan ginbiniling
ko ikaw ha ngatanan nga bukid: haros duha nga lalawigan.
an akon natara.
Ngan sinumpayan:
—Tungod la nga diri umawas an dugo han waray mga labot, pinmalagiw ako, an akon mga kaaway nagkakahahadlok pakig-asdang ngan say nira pinaaatubang an mga magpakaluluoy nga waray ha akon pakabuhat magutiay na man la nga maraot.
Katapos hin gutiay nga kahilom nga iginbasa ni Elias han mga panhunahuna han tigurang dida han iya madag- om nga nawong, namulong:
—Nakanhi ako pagpahamtang ha imo hin usa nga butang. Tungod han kawang la nga akon pagbiniling hin tulin hadton mga tawo nga nagdaot han akon pagkabalay, binayaan ko an lalawigan nga akon inuukyan ngan naghunahuna ako hin pagtipakadto ha Amihanan pagtampo han mga diri binunyagan nga murayaw an pag-ukoy: buot ka umupod ha akon, bayaan mo ini nga kamutangan? lini ako nga magigin-anak mo, kay nawad'an ka han imo mga anak, ngan ako nga waray kaganak, pakakaamayon ta na la ikaw.
An tigurang pinmiling ha pagdiri ngan magsiring:
—Ha akon panuigon, kun an tawo naatubang na hin kamaraot, sabuta nga waray na gud sadang paibhan. An tawo nga sugad ha akon, nga tikang ha pagkabata ngada han pagkadumakun'on nangahas pangita hin murayaw nga kabubwason, niya ug han iya mga anak; tawo nga nag- alagad han ngatanan nga pagburut'an han iya mga labaw. ngan nagdara ha kasingkasing hin dagko nga katungdanan, nag-antos han ngatanan tubangan magmamingaw ug magmamurayaw an pagkaukoy: kun ini nga tawo, nga inmabot na ha panuigon han mahagkot na an dugo, natalikod na han iya gin-agian ngan nabaya na han iya kabubwason ha tangpi han kutkot, sabuta nga diri na gud natuod nga may ada kamurayawan dinhi ha kalibutan ngan, pananglit man may maada, diri asya an hingpit nga himaya! Ano in pulos han pag-inantos hin makapapaid nga pag-ukoy ha lain nga tuna? May ada ko duduha nga anak nga lalaki, uusa nga anak nga babayi, usa nga balay ngan hin hinipos nga manggad; gintatahod ako hadto ngan ginmamaupay; yana daw
