343
—Ngan kun waray ta makuha nga ano man?
—May ada ta gad manta makukuha, tuod la; diri maraugdaog an ngatanan nga namumunuan. Ngan kun pananglit waray ta makuha, kun diri pamatian an aton mga tingog, kun an tawo pumakabungol na la han mga kasakitan han iya igkasi, ta, matuman an kaburut’on sa Dios. . . ngan aadi ako nga andam ha imo pagsugot!
An tigurang, nga napuno hin kasindak, ginmakos han batan’on.
—Kinakarawat ko an imo larang, Elias; maaram ako nga nagtutuman ka han imo pulong. Madangop ka ha akon ngan mabulig ako ha imo pagbulos ha ngaran han imo mga ginikanan ngan mabulig ka man ha akon pagbulos ha nga ran hadton akon mga anak, hadton mga anak ko nga sugad ha imo!
—Hamtang diri ta pa say ini bubuhaton, senyor,maghirot ka hin pagpalakat hin magraot nga paagi.
—Igpahayag mo didto an mga sumbong han bungto, sayod ka na man kun ano. Sano ko kasasayuri an baton?
—Ha sulod hin upat kaadlaw pakadtua in usa katawo ha baybayon ha San Diego kay pagsusumatan ko han igsumat ha akon han tawo nga akon ginlalauman. . . Kun pamamatian kita ; iginmamalipay ko an mga kagul’anan nga akon gin-antos pagbiniling ha imo; ta, kun diri, ako an siyahan nga mapupuklid dida hinin away nga aton aatubangon.
—Hi Elias diri mamamatay, hi Elias amo an magiginpuno, kun hi Kapitan Pablo mapukan katapos na han iya panimulos, — sinmiring an tigurang.
Ngan hiya ngahaw an inmupod han batan’on tubtob ngadto ha paghigawas didto han lungib.
XLVII.
AN BUBLANGAN.
An paglihi han Domingo kun kulop, didto ha Pilipinas, ikinakadto ha bulang, (1) sugad ha Espana nga ikinakadto pagkita han pakiaway kontra hin tudo nga baka. An pagpaaway hin manok, uyag nga gindara ngadto ug ginpapasudlan may kanan usa na kagatos katuig, asya in usa han mga bisyo han bungto, nga darudako pa in lara han apyan han kainsikan; an kablas napakadto pagsari han iya tigayon
