Hi Tarcelo nagkikinita han mananap hin usa nga paniplat nga daw sugad hin diri niya say adto ginkikinita, kundi lain la nga butang ha kabubwason. Hinmapyod han iya agtang ngan:
-Andam ka?-pinmakiana han iya manghod hin pagaw nga tingog.
-Ako? Tikang kanina; waray birubidbid!
-Inin... bugto ta gad nga babayi, lugaring...
-Uh! Waray ka sidnga nga hi D. Crisostomo an puno? Ngan waray mo ini hikit'i nga iginbuburubunyog han Capitan General? Ano in kahihirutan ta?
-Kun magkamamatay kita?
-Kay maano? An aton amay namatay ha dabal.
-Matuod.
An duha nga magbugto nagbiling kan Lucas dida han mga tarutambak.
Han paghikit'i la nira hi Tarcelo umukoy.
-Ayaw! gawas kita, hangangadto kita hin karat'an!— nagsiring.
-Gawas kun buot ka, ako in matuod! ―Bruno!
An maraot kay dinmaop in usa katawo nga nagsiring ha ira:
-Mapusta kamo? Ha balaw ako.
An duha nga magbugto waray baton.
-Lugro!
-Pira? pinmakiana hi Bruno.
Nag-ihap an tawo han iya salapi hin tinag-upat kapisos: ginkikinita hiya ni Bruno hin waray giruginhawa.
-May ada ko duduha kagatos; kalim'an kontra kap'astan!
-Diri!-ngani Bruno;-butang
-Bueno kalim'an kontra katluan!
-Doble kun buot ka!
-Hala! iton balaw kanan akon puno ngan pagdadaog ko pa la; gatos kontra kaunman!
-Kasado! Hulat kay makuha pa ako hin kuwarta.
-Kundi, ako in makapot, nagsiring an tawo nga waray tatapod han panagway ni Bruno.
-Waray la ha akon! binmaton ini nga natapod han iya kamaoo.
Ngan atubangon an iya magurang, sidngon:
-Kun diri ka maupod, makadto ako.
