Page:An-Kaduntan-Han-Bungto-ni-Jose-Rizal-1962.pdf/379

369

san hadton kinmarawat, kinahanglan nga, han paghatagan, waray ikaduha nga tuyo. Bay'i ta na hinabihi an ira turumanon pagpasarang han tuluuhan, an paghigugma nga kristuhanon nga masukot hingadayan; hingalimti ta an Kaagi, ayaw ta na pagsusiha kun ano an nabuhat han Espanya han bungto nga arabe nga nakahatag ha iya hin hibaro, waray ha iya pagdiri han iya tuluuhan ngan asya in nakasangpit han iya paghigugma han iroy nga tuna nga nahangangaturog, nga haros nawara ha sulod han panahon nga ikinauripon niya han mga romano ngan mga godo. Nasiring ka nga tinagan kita hin tuluuhan ngan ginluwas kita ha paghisayop; nganimo pagtoo ito nga mga turumanon nga aton kinikita, tuluuhan iton pamaligya hin mga korriya ug mga kuwintas ngan kamatuuran iton mga milagro ug mga susumaton nga aton nadudungog ha adlaw-adlaw? Asya ini an sugo ni Jesuscristo? Kun asya ini, waray na kinahanglan nga mapapagraysang pa ha krus in usa nga Dios ngan kita pagluguson hin pagbalos tubtob ha kadayunar: an pagpatotoo daan na kinikilala hadto pa, an kulang na la an pagpahirua ngan pagpadugang han bayad han mga baligya. Masiring ka ha akon nga magdiano hin kadiri hiro hinin aton yana tuluuhan mauruupay gihapon hadton una matuod ngan uyon ako, kundi uraura kamahal kay tungod ha iya binayaan ta an aton pagkapilipinhon, an aton katalwasan; tungod hini nga tuluuhan ihinatag ta ha kapadian an aton mag-upay nga mga bungto ug mga tuna nga yana iginhihinatag ta pa an aton mga hinipos dida ha pagpinamalit hiton mga baligya ha kombento. Gindad'an kita nganhi hin mga paraliton tikang ha iba nga tuna, binabaydan ta hin maupay ngan waray ta aringasa. Kun say mo hinabihan an pangalinsakob ha aton patok han mga Encomenderos, babatunon ta ikaw nga tungod hito nahangadto ngani lugod kita ha kamot hito nga mga Encomenderos. Kundi diri; ginmamatuuran ko nga usa nga matuod nga pagtoo ngan hin usa nga matuod nga paghigugma han Katawuhan amo an nakaaghat han una nga kapadian hin pagpakanhi ha aton tuna; gintatahod ko an aton dako nga kabaralsan hadto nga mga hingpit nga kasingkasing; sayod ako nga an Espanya hadto tugob hin mga banal nga tawo ha magkalainlain nga bahin han pagkabuhi, ha tuluuhan sugad man ha pamunuan, ha pagkabungtuhanon ngan ha pag-awayan... Kundi, tungod