pakig debirsion kan jeneral don arseno Martines sosu matan co hi Clarita nga forola vua Ngan derico ikaw tatagan
ma usa nga goticon imo ayaton maje himo an ngatanan
mo nga caroiag icao la kon dire mo ayaton sa buta nga dire
aco ma carauat jen bisan ano nga varivad.
Animo fatod nga majegugma on Victorina de los reyes de De Espadana.
Sampaloc lunes ica 7 jan Gabi.”
Makalilisang. Hi Linares nakilala han batasan ni Da. Victorina ngan maaram nga diri nag-aalang; ba man tagan bin pangatadunganan, baga sugd la hin mamamaribad hiya ha usa nga karabinero(1) nga karuyag magdakop hin kinawat nga baligya bisan waray kamatuuran; kun makimaluoy kawang la; kun paglimbungan, labi na; waray iba kun diri pangayat na la hin pakiaway.
—Kundi, uunanhon ko? — an iya isip-isip, nagsisinuduysudoy, han ruwang uusa la; —kun pagbusaan la ako? Kun say ko ighisum-ak iton iya ginang? Hino in matindog ha akon nga testigo? and padi? hi Kapitan Tiyago? Iginbabasol ko gud nga namati ako han iya sagdon! Hino in nagsugo ha akon paghinambog, pagsinumat hin mga buwa ngan pagpinakadako nga tawo? Ano na in yayaknon ha akon hini nga daraga? Ginbabasulan ko gud an pagpinaka-sekretaryo ko han ngatanan nga ministro!
Asya ini an ginyiyinakan ni Linares nga hiabutan ni P. Salvi. An pransiskano magarugasa ngan duruduason han kabatasanan nga panagway, kundi inaabat ha iya mga mata in lain nga lambrag ngan kinikita ha iya mga im-im in urusahon nga tawa.
—Sr. Linares, ano, nag-uusaan ka la?— nagsiring ngan inmuswag dayon ha ruwang nga ginhihibatian hin talagsa nga tunog hin piyano.
Hi Linares naghunahuna paghiyom.
—Hi D. Santiago?— nagpakiana an padi.
Hi Kapitan Tiyago linmagos dayon hadto naghaw, hinmarok han kamot han padi, kinuhaan ini han kalo ngan tungkod, naghihiniyom daw an usa nga baraan.
—Maupay, maupay!— nganiya pa, han padi, nga in muswag sinusunod nira Linares ngan ni Kapitan Tiyago; may dara ko nga maupay nga notisya para ha ngatanan. Kinmarawat ako hin surat tikang ha Manila nga nakaka-
