―Ah! hino ka?― nagpakiana an pag-aabot pa la, kanan dumakun'on an tingog.
―Ngan ikaw, hino kaman?―Pinmakiana la liwat an usa.
May usa kadali nga waray yakanyakan; ngaduha nagtatalinguha hin pakakilala dida han ira magkasi tingog ngan dida ha lirik han kahimo.
―Ano in hinuhulat mo dinhi?― nagpakiana an kanan dumakun'on nga tingog.
―Nga tumuktok hin ikawalo kay karuyag ko magdara han baraha han mga minatay; karuyag ko yana nga gab-i magdaog hin damo nga salapi, ― binmaton an kanan kinaiya nga tingog; ―ngan ikaw, ano man imo tuyo.
―Amo gihapon...
―Uy! ta, maupay; kay diri ako mag-uusaan. May ada ko dara nga baraha; ha siyahan nga pagtuktok, albor; ha ikaduha, galyo; an magkiwa amo adto an mga baraha han mga minatay, kinahanglan nga aagawon ha tigbasay. May dara ka man nga baraha?
―Waray!
―Ta, niyan?
―Masayunay la; imo hira ginbabangkaan, mahulat ako nga magbangka hira.
―Kun diri magbangka?
―Mag-aano man kita? An sugal diri pa lugos nga turumanon han mga minatay... Nangukoy ha usa kadali.
―May dara ka nga salsalon? Uunanhon mo man pakiaway han mga minatay? duha.
―Kamaoo, ―binmaton an darudako ha ira hadton
―Ah! panulay, maaram na ako! An mga minatay diri ngayan nataya kun labi na hin usa nga buhi an natambong, duduha na kita.
―Tuod ito? Ta, diri ako buot lumakat.
―Labi na ako, buot ko in salapi, ― binmaton an guruguti; ―Kundi, sugara ta hini: uyaga ta; an mapirdi malakat.
―Hala... binmaton an usa, baga haros diri buot.
―Kun amo, tana ngadi ha sakob . . . may puspuro ka?
Nagkasulod ngan ha butnga han kasisidman namiling hin pag-uuyagan nakaagi hin pantiyon nga ira dayon gin-
