396
hin parawali:
—Nakakita ka ha akon han pagtikanhi ko, nagdidinalagan?
—Panulay! hunahuna ko kinakarukalibang ka!
—Ta,—an pulong han padi, waray la pag-atap han kawaray batasan han alperes; —sugad ngani hito nga diri na ako nagtatamo han akon mga turumanon, may ada gud hinpapatungdan.
—Ta, ano man?— nagpakiana an usa, binmandok.
—Hinay !
—Ta, kay ano man in pag-ikag mo nganhi?
An padi pinmaharani ngan magpakiana hin paurusahon:
—Diri... ka . . . maaram. . . hin bisan la ano nga. . . sumat?
An alperes pinmakuro han sugbong.
—Nagtutug-an ka nga waray mo hinbabaruan.
—Karuyag mo igsumat ha akon hi Elias, nga kagab-i gintago han imo sakristan mayor?— nagpakiana.
—Diri, diri ako nahananabi hito nga mga susumaton,
— binmaton an padi, nauurit na; —nahananabi ako hin usa nga dako nga kataragman.
—Ta, p.. . ! pagnganga na, kun asya man!
—Amo naj — nagsiring an prayle hin hinayhinay nga dapit may kaurit; — sabuton mo an kahimurulsan namon, kami an mga kapadian; bisan an pukis nga lego subong hin usa nga rehimyento; nganimo in usa nga padi. . . . ?
Ngan iubos an tingog ngan baga magpauusa:
—May ada ko nadiskubre nga sarabot pagsulod han bungto!
An alperes linmukso ngan say ginkinita an padi.
—Usa nga makalilisang ug maupay gud nga kahanay nga sarabot paggubot, nga niyan manta nga gab-i hananabo.
—Niyan nga gab-i!— nakasiring an alperes nga din- mangkulos ngadto han padi; katima dumalagan pagkuha han rebolber ngan han sable nga pinanmimitay ha puto.
—Hino akon dadakpon? Hino?— ginmuliat.
—Hinay anay, salamat han akon pag-ikag nganhi, may uras pa; ngada pa ha mga ikawalo an takna.
—Pamumusilon ko ngatanan!
—Pamati! Adto pa la nga kulop, may usa nga babayi, diri ko igsusumat an ngaran kay usa nga sekreto ha kum-
