han kyrie eleyson; hi Kapitan Tiyago, ginduduruas ngan nangungurog, nakakadara hin usa nga tenedor nga may tinugsok nga atay hin manok, nga ihinahalad, nagtitinangis, han Virgen ha Antipolo; hi Linares nagmumuol pa ngan may kinakaptan nga kutsara; hira Sinang ngan hi Maria Clara naghangkop, an waray la kaalantad, baga in linipakan, amo hi Crisostomo nga iginpurud-as hin diri harumamay.
An gugliat ngan han linagutob waray pugtas, nahinagaklob an mga tangbuanan, nababati in tunog hin silbato ngan hin talagsa nga buto.
—Kriste-eleyson! Santiago, matutuman an mga igin- tagna... sadhi iton mga bintana! naghaharoy hi Dada Isabel.
—Kakalim'an nga luthang ngan hin misa de gracia! —binmaton hi Kapitan Tiyago; ora pro nobis!
Ha hinayhinay nagmingaw hin makaharadlok nga pagmingaw... Hinbatian an tingog han alperes nga ginmuliat, nagdidinalagan:
—Padre Cura! Padre Cura! pasingadi!
—Miserere! An alperes nangangaro hin kompesyon,-an hiyaw ni Dada Isabel. Ah!!
—Samad an alperes? - nakapakiana hi Linares; —Ngan amo na in iya pakapanginano nga waray pa ngayan niya tutunla an iya ginuuguman ha baba.
—Padre Cura, pasingadi na! Waray na kaharadlukan! —naggiginuliat pa an alperes.
Hi Fr. Salvi, ginduduas, napirit pagguwa didto han iya linuluk'an ngan lumusad.
—Pinatay an alperes han mga tulisan! Maria, Sinang, pasingadto kamo ha sulod, patlunga hin maupay iton sada! Kyrie-eleyson! Hi Ibarra napasingadto man liwat ha hagdan, bisan kun ginsisinagdunan ni Dada Isabel nga nasiring: Ikaw, diri ka lumusad kay waray ka pagkumpisal, ayaw lusad!
An maugay nga tigurang sangkay anay hadton iya nanay.
Kundi hi Ibarra linmakat; baga sugad hin nagbibirik ngatanan an iya ginkikita, ngan baga nahauunlod han iya tinatamakan. Nahagurong an iya pamatian, an iya mga tiil
