422
—Ano nga waray? Ayaw pagbinuwa kay kun diri tutunuron ka ha timba I Hino in nagsugo ha imo? Pagsumat han kamatuuranl
—An kamatuuran, senyor!
—Hino?
—Hino, senyor!
—An pakiana ko, kun hino an nagsugo ha imo paggubot?
—Ano nga kagubot. senyor?
—An hinpapatungdan kay ano nga napakadto ka ha sakob han kuwartel kagab-i?
—Pastilan, senyor! — namula hin kaalo hi Andong.
—Ada, hino in may sala?
—An ugangan ko nga babayi, senyor!
Katatawa ngan panhipausa an sinmunod hini nga mga pulong. An alperes inmukoy ngan magkinita han tawo hin waray kasina, ug ini, tungod kay nakasiring nga nakaupay ha iya an iya mga pulong, nagpadayon hin malarulaksi nga pangasoy:
—Oo, senyor; an akon ugangan nga babayi diri ha akon nahatag hin pagkaon kun diri mga dunot na nga karan’on ngan waray na gamit; salit kagab-i, han pagtikanhi ko, ginsakitan ako hin tiyan; nakakita ako han luyo han kuwartel, nganakon: Gab-i manta, waray ha akon makakakita. Sinmulod ako . . . ngan . . . han naiburuhat na ako nagbutubuto; nanhuhughog gud ako.
Usa kalapdos han uway say nakautod han iya pamulong.
—Ikadto ha bilangguan I— ngani han alperes; —niyan nga kulop dad’on ha kabesera.
Nagsarang dayon ha sakob han bungto an sumat nga an mga dinakop ilinalakat; ha siyahan nagkalilisang, katima maghintangis ug manhinminatay.
An mga kaurupdan han mga dinakop may hindadlagan daw an mga tuyaw; nagpasingadto ha kuwartel tikang ha kombento, tikang ha kuwartel ngadto ha tribunal, ngan waray hinkakaplagan nga kaupayan bisan diin ngan dagos pananagsiniyabaw ug pananagnginuyngoy. An padi tin-
