430
Ibarra bisan diin, tara! Kundi waray ako ha imo pagsugo nga makigkita ka ngan makighimangraw ha iya didto hadto nga panagtawo; ini in diri mo ha akon maririwa.
—Kay ano, sayod ako nga naulpot hiya ngadto?
—Kinahanglan nga hisayuran mo!
—Uunanhon, hin diri ko ngani hiya kilala?
—Kinahanglan mo nga hikilal’an I
—Kundi, Tintsang, asya pa adto nga amon pagkakita, pakakabati ko pa la han iya ngaran!
—Imo unta anay kinikilala, inuusisa, lalaki ka may ada
ka saruwal ngan nabasa ka han Diario de Manila I(9)— binmaton waray pawawaring an asawa, pinamugdatan hiya.
Hi Kapitan Tinong waray na pakabaton.
Hi Kapitana Tintsang waray pa tutunga hini nga iya pakabawbaw, dinmuok, pinangungumol an kamaoo, karuyag lipungon.
—Amo ini an gin-ginuulan ko hin kapid’an katuig paghinipos hin salapi ngan aadi, tungod han imo kalurong makakarag la an bunga han akon mga kagul’anan?— ginbusaan. —Unina kakanhion ka paghalin, kukuhaan kita hinin aton mga ginawi, sugad han asawa ni. . . Ah! kun ako la in lalaki, kun ako la in lalaki!
Ngan han pakakita la nga an iya bana nagtitinungok, bumalik pagnginuyngoy, ginbibinalikbalik an Kun ako la in lalaki, kun ako la in lalaki! ”
—Kun malalaki ka, — nagpakiana, katapos, an bana nga nauurit na, —ano man imo bubuhaton?
—Ano? Ada. . . ada. . . ada yana ngahaw makadto ako ha Kapitan Heneral magpapasabot ako nga andam ako pakiaway han mga naggubot, yana ngahaw!
—Kundi, waray mo kabasa an nahapahayag dida ha El Diario? Basaha! “An tampalasan ug waray haros nga pagbudhi nautod han pangahas, kaisog ug kusog, ngan diri maiha an mga maglingo nga kaaway han Iroy nga Tuna mangangabat han kabug-at ug kamapintas han mga balaod. . . ‘‘Nasayod ka? Waray samok.
—Bisan la, angay ka umatubang pagpasabot nga an dam ka, sugad han binuhat hadton 72,(1O) salit nanhigawas.
—Oo, nagsugad man hito hi P. Burg. . .
Kundi waray pakatapos pagluwas han pulong; dinangkulos han babayi pagsagpo an iya baba.
—Hala pagluwas hito nga ngaran basi ka buwas nga-
