437
hapan han Gobyerno) nagpakauli na ha ira lugaringon katapos hin pira kaadlaw nga pagpahuway ha mga kabalayan
han Pamunuanan. An Kapitan Heneral ngahaw an nagsugo
nga papangulion na la kay inisip nga diri angay paghawiran an bisan hino ha ira, ha dako nga kabido han kimay
nga karuyag makigkatampo ha ira tubtob ngada han pasko.
Hi Kapitan Tinong inmuli ngadto ha ira masakit, duason, nanhuhupong, waray ayon an iya lawas hadto nga pasyada niya, ngan binmalhin gud hiya kaupay nga diri na ngani mayakan, bisan paglabot han iya mga kalungon hin balay nga nananawa, nanunuok nagsasarabat pagyakan. ngan nagkakalilisang hin kalipay. An waray palad nga tawo diri na la buot lumusad ha iya balay nga diri la ighisum-ak hin usa nga pilibustero. Bisan an iya patod, hi Don Primitivo, ngan han iya dara nga kinaadman han una nga mga tawo, waray na ha iya pakakalukba dida han iya diri pagyakan.
―Crede, primo, ― an iya sagdon ―kun waray ko kasuriti an imo mga papeles pinauut-utan an imo liog; kundi kun sinuritan ko ngatanan an imo balay, diri ka ginlalabtan bisan usa mo nga buhok. Kundi, quod eventum, eventum; gratias agamus Domino Deo quia non in Marianas Insulis es, camotes seminando.(2)
Mga kaagi nga sugad han kan Kapitan Tinong sayod hi Kapitan Tiyago. Salit dako gud an iya pagpasalamat, kadiri la niya pagsabuta kun hino an iya pagpapasalamatan hadto nga dako nga kaupayan niya. Hi Dada Isabel nasiring nga milagro adto han Birhen ha Antipolo, han Birhen del Rosario, kun diri man han Birhen del Karmen, ta kun diri pa, kun diri pa gud, kay amo na la an iya mahatuturos, milagros ni Ntra. Sra. ha Correa: diri na gud dida hito magawas an milagro.. Hi Kapitan Tiyago diri nariwa, kundi nasiring hiya:
―Natuod ako, Isabel, kundi diri usa la hini an Birhen ha Antipolo; binmulig gud hini an akon kasangkayan, inin akon maurumagad hi Go. Linares nga, maaram ka man, nakikigdurugas bisan kan Go. Antonio Canovas, iton may retrato ha la Ilustracion nga diri nakikiangay pagpakita ha mga tawo kun diri luyo la nga bayhon.
Ngan diri niya naiilob in usa nga tawa ha dako nga kalipay kun nadudungog niya in mga sumat mahatungod han
