439
nga lalaki ngan ha ngaran man liwat niya, hinnabihan an
mga panungbalay ni Linares ngadto ha Kapitan Heneral
ngan nakadamo gud igpasambingay an kaangayan nga in
usa katawo nga hataas in dungog magin-usa nga urupod.
―Na! ―nganiya, ―nagziring pa kami: ang zumiron ha maupay nga lambon, maupay nga tubal an iginhihiagon.(6)
―Su... su... suhi, uday! ―sinusnan han doktor, May pipira na kaadlaw nga nagpapakaandalusa, iya kinukuha an d ngan iya liniliwanan hin z an s ngan waray gud hini ha iya nakakasagdon pagkuha ha iya ulo; gabay daw la say kuhaon ha iya an iya mga pakurong ngan mga pinanta.
―Oo, ―nganiya, nahananabi kan Ibarra; ―ito angay ha iya; nagzirin ako han ziyahan nga pagkita ko ini uza nga filibuztero. Ano an zirin ha imo han Hiniral, primo? Ano an imo izinumat didto, primo, ano nga notizya imo gindara ngadto mahatungod kan Ibarra?
Ngan han pag-abat la nga an iya patod naiiha hin pagbaton, nagpadayon, inaatubang hi Kapitan Tiyago:
―Tuor la ha akon, kun fatayon, kay zabuot ko asya an ihahatag nga pena tungur kan primo.
―Ginang, ginang!-tinmipa hi Linares. Kundi waray pabalubo.
―Hay nga napakaiplomatiko ka na gud yana. Maaram kami nga ikaw an manaragdon han Heneral, nga diri nakakahimo hin bizan ano kun diri ha imo pumakiana . . . Ah! Clarita, kadako nga kalifay za pagkita za imo.
Hi Maria Clara bisan maupay na may ada la gihapon duas. An halaba nga buhok binutok ha luyo hin usa nga Jaso nga seda nga labsagon nga tagom an tina. Han paguswag naghatag hin katalahuran, hinmiyom hin masamdong ngan dinmaop kan Da. Victorina pagkarawat han harok nga kabatasanan.
Katapos han mga pulong nga hin-aaraan, nagpadayon an nagpapakaandalusa:
―Nakanhi kami pagvizita ha iyo; natalwaz kamo ha mga kakurian zalamat han iyo kazangkayan!-ngan sinmiplat ngadto kan Linares.
―Tinabangan sa Dios hi Tatay! ―binmaton hin habubuay nga tingog an daraga.
―Oo, Clarita kundi an panahon ngan an mga mila-
