441
ngan hi Da. Victorina nga waray hikakalipay. Hi Linares
waray pa aabot: may mga tawo nga uraura kahagliputay
in panhunahuna ngan nagpapakasiring nga kun maurhi
hira may kanan usa kauras ha bisan la ano nga hinabo magigindako hira nga pagkatawo.
Didto han pundok han kababayin'an hi Maria Clara an ginlilinibak: an daraga naghatag ha ira hin katalahuran ug nakig-angay ha ira hin maupay nga buot, bisan kun waray kawad'i han iya kamasamdong.
—Psh —nasiring in usa nga daraga; —malabyaw...
—Mahusayhusay. nagbaton in usa, kundi nakakapili pa unta ini nga lalaki hin diri sugad kalurong pagkit'on.
—An salapi gad ito; an lalaki pinapalit.
Ha lain nga pundok asya ini an karukayakan:
—Napakasal yana nga biritayon an una nga kasabot!
—Asya ito an siniring ko nga matagam; may ada iginliliwan dayon.
—Ada, kun mabalo...
Ini nga hiruhimangraw tingali hinbabatian han daraga nga nakada nalingkod hin usa nga lingkuran nag-iinayad hin uusa katagakan nga bukad, tungod kay ikinukurog an kamot, iginduduas ngan nagkikinagat han mga im-im.
Dida han alirong han kalalakin'an dagko nga tingog an hiruhimangraw ngan kaiya na gihapon, nahananabi han urhi nga mga hinabo. Ngatanan nagyayakan, pati hi D. Tiburcio, sapayan kan P. Sibyla nga waray pagyayakan, nanyayam-id.
—Nakabati ako nga hi V. R. maiwas dinhi hini nga bungto, P. Salvi? —nagpakiana an bag-o nga tenyente nga hinumukan han kaburut'on tikang makakarawat han bag-o nga katungdanan.
-Waray ko na sadang dinhi buhaton; aadto na ako pag-uukoy ha Manila... ngan ikaw?
—Mabaya man ako hini nga bungto, —binmaton, inmunat han lawas; —ginkikinahanglan ako han Gobyerno nga mangulo hin usa nga pundok hin mga sundalo nga magpupuo han mga pilibusteros ha mga lalawigan.
Siniplatan hiya ni Fr. Sibyla tikang ha ulo ngadto ha tiil ngan dayon talikdi.
—Hinbabaruan na kun ano in aabutan han puno nira?
—nagpakiana in usa nga empleado.
—Nahananabi ka kan Crisostomo Ibarra? —nagpakia-
