442
na in usa liwat. Katahapan ngan kaangayan man liwat nga bitayon, sugad hadton pinanhidakpan hadton 72.
―Hahalinon! ―nagsiring an lagas nga tenyente hin mamara nga tingog.
―Hahalinon! Amo la, hahalinon? Dayon nga kahalin, tingalinagdurungan in damo nga tingog.
―Kun ito nga batan'on, ―nagpadayon hi tenyente Guevara, hinataas an tingog ngan waray tawatawa' ―naghirot hin gutiay; kun waray hiya pagtinapod hin pipira dinhi katawo nga iya ginsisinuratan: kun inin aton mga piskales diri unta uraura kamatinukibon han mga sinurat, ito nga batan'on gawas na unta yana ha kasal'anan.
Ini nga pangasoy han tigurang nga tenyente ngan han iya paningog nakapahausa han mamarati nga waray na may nahibaro pagbaton. Hi P. Salvi sinmiplat ha lain nga bahin, tingali kun kadiri karuyag pakig-asdang han tigurang nga tenyente nga maraot an paniplat ha iya. Hinbuhian ni Ma- ria Clara an mga bukad nga iya binibitbit ngan nahapaukoy. Hi P. Sibyla nga maaram humilom, baga sugad hin hiya la liwat an maaram pumakiana.
―Nahananabi ka hin mga surat, Go. Guevara?
―Nahananabi ako han iginsumat ha akon han abogado nga nanabang hin maupay sugad han nahihimo. Labot hin pipira karumbay nga ginsurat hini nga batan'on ha usa nga babayi sano gumikan ha Europa, mga rumbay nga amo an kinitaan han piskal nga may ada kuno gindudumtan kontra han Pamunuan, ngan gin-angkon hini nga batan'on, wa- ray iba nga ipakakagsala ha iya.
―An igin-asoy hin usa nga tulisan ugsa mamatay?
―Binagi han abogado kay an mao ngahaw nga tulisan nag-asoy nga waray gud, kakano pa man, igkahimangraw hira hini nga batan'on kundi ha usa la katawo nga ginnga-ngaranan kan Lukas, nga kaaway man ngani niya, sugad han nakita unina, ngan naghikog pa liwat, tingali paghinulsol na han iya mga binuhat. Kinita nga an mga papel nga hin-agian ha lawas han minatay mga hinimuhimo la kay an mga kurit masugadsugad han agi ni Go. Ibarra may mga pito na katuig ngada yana, kundi diri sugad han iya agi hini nga bag-o salit katahapan nga an ginsubaran asya an surat nga ginkuhaan han iya kasal'anan. Labot pa an abogado nagsiring nga kun waray hi Go. Ibarra pag-angkon hini nga surat, dako unta an nahihimo nga kaupayan ha iya; kundi, han pakakita la hini nga surat igpamurud-as, nawad'an hin
