445
Hinkit'an ni Maria Clara nga inmukoy han pakakita ha iya, kundi nadaliay la, kay an tawo nagtidaop hin hinayhinay ngan han may tutulo na la kapitad, inmukoy. Hi Maria Clara inmisol.
―Crisostomo!―nakasiring, puno hin kahadlok. -Oo, ako hi Crisostomo! ―binmaton an batan'on hin mabug-at nga tingog; ―usa nga kaaway, usa katawo nga may katadungan hin pagdumot ha akon, hi Elias, asya in nagkuha ha akon didto ha bilangguan nga ginhapilan ha akon han akon kasangkayan.
Sinmunod hini nga mga pulong in masakit nga kamingaw; hi Maria Clara tinmungok ngan pinapanunton an mga kamot.
Hi Ibarra nagpadayon:
―Ha atubangan han lawas ni nanay nga patay igin. sumpa ko an paglipay ha imo bisan kun maunano an akon palad! Ikaw nakahimo pagtalapas han imo pagsumpa, kay adto diri mo iroy; kundi ako, ako nga anak niya, nagtitipig ha iya ha akon panumduman ngan yana ginlakad ko an ngatanan nga kakurian makaabot la ako nganhi pagtuman han akon iginsaad ngan an palad asya in naglarang nga ikaw akon igkahimangraw. Maria, diri na kita mabalik pagkakita; batan'on ka ngan tingali mga sano nga adlaw makaulang ha imo. . . nakanhi ako pagsumat ha imo, ugsa ako lumakat, nga ginpapasaylo ta ikaw. Yana makadi na ako, magmalipayon ka unta!
Hi Ibarra nag-ilalakat kundi hinawiran hiya han daraga. ―Crisostomo!―nganiya; ―kanan Dios pagbuot nga pumaabot ka yana nganhi pagluwas ha akon ha mga pagturaw...pamatii gad ako ngan unina paghukmi ako!
Buot ni Ibarra bumukalas hin mahinay, ha iya.
―Diri an pagkanhi ko pangaro ha imo hin mga kasayuran . . nakanhi ako paghatag ha imo hin kamurayawan.
―Diri ako hito nga kamurayawan nga Imo ihinahatag; ako la ngahaw in mahatag ha akon hin kamurayawan. Imo na ako ikinasisina ngan asya ini an nakakapait han akon kinabuhi.
Inmabat hi Ibarra han pagturaw ug kasakit han waray palad nga babayi ngan iya ginpakianhan kun ano an iya karuyag.
―Nga tumuod ka nga unob an paghigugma ko ha imo. Hi Crisostomo nahakatawa.
