447
mamit hin lunlon mga tambal! Ini nga mga surat hinngalimtan niya, han akon amay, didto han balay nga iya ginukyan ngan hin-agian hito nga tawo ngan gintinago, ngan
waray ha akon ihatag kun diri igbalyo han imo surat
basi, kuno, may iya tapuran nga madig-on nga diri
ako mapakasal ha imo kun diri kaburut'on han akon amay.
Tikang hanganhi ha akon ito nga balyo han imo surat inmabat ako hin kahagkot ha sag-od han akon kasingkasing.
Igin-unong ta ikaw, gin-ula ko an akon higugma . . . ano in
diri mabubuhat hin usa nga babayi tungod la hin usa nga
iroy nga patay na ngan hin duduha nga buhi nga amay?
Hinbabaruan ko ba kun ano an gagamitan nira han imo surat?
Hi Ibarra nahapanganga. Hi Maria Clara nagpadayon:
—Ano pa an mabubuhat ko? Mahihimo ko ngayan an pagsumat ha imo kun hino an akon amay, mahihimo ko in pagsiring ha imo nga pangaruan mo hin pasaylo, hiya nga asya an nagraugdaog han imo amay? Makakahimo ba ako pagsiring ha akon amay nga pasayluon ka, makakahimo ba ako pagdangop ha iya sugad hin anak, hiya nga naghingyap nga ako mamatay? Waray ha akon bilin na la kundi an pag-antos, paghilom han akon kasugad ngan mamatay ha mga kabido!. . . Yana, sangkay ko, yana nga sayod ka na han makatatangis nga kaagi hinin waray palad mo nga Maria, mahakakatawa ka pa hinin akon kasugad?
—Maria, usa ka nga langitnon!
—Malipay ako kay nagmamatuod ka . . .
—Yana nasantop ako han akon kawaray palad, yana nga mawawara ka ha akon! Kundi nakabati ako nga kakaslon ka.. —nagsiring an batan'on, binalhin an tingog.
—Oo nagdagmit pagsiring an daraga; an akon amay naungara hini ha akon nga balos kay iya ako ginhigugma ug ginmayuyo, nga diri niya turumanon, ngan balos ko ini ha iya basi la magmurayaw an iya kaukoy tungod hini nga bag-o nga iginkakaurupod, kundi
—Kundi?
—Diri ko hikakalimtan an akon mga pagsumpa hin paghigugma ha imo hin unob.
Ano man in nahuhunahuna mo nga bubuhaton? nagpakiana hi Ibarra, nananalinguha hin pagtugkad han iya mga mata.
—An kabubuwason gindudulman ngan an Kapalaran
