36
la usa nga kandila nga pula hin insik, say niya inaatubang
an mga santos ug santas nga iya darangpanan, iya la ginpupun’an hin damo nga saad basi la manuod han iya maupay nga pinananalinguha. Kundi an masukot gud niya
pagsaaran ngan pagtumanan hin saad amo an Virgen ha
Antipolo, an Ntra. Sra. de la Paz y Buen Viaje, kay an
mga santos la nga gudti diri hiya nag-aatap gud kaupay:
natutuman na ngani niya an iya gintatalinguha diri na niya
pinanhihinumduman, matuod diri na man liwat niya binabalik pagsamuka kun namamaykasuruk’an niya liwat; kay
hi Kapitan Tiago maaram nga dida ha almanake damo
iton mga santos nga waray himangkaagan ngan tingali diri
maaram kun ano in angay buhaton didto ha Langit. Ngan
labot pa, an Virgen ha Antipolo pinakakasiring gud niya
nga darudako in gahom han iba nga kabirhinan, bisan pa
managbitbit hin mga tungkod nga salapi, mga Nino Jesus
nga hinugkasan o binaduan, o mga kuwintas, mga kurriya
o karmen, tungod ada kay ini nga babayi nga bantog nga
maisog, maminangnuon han iya ngaran, kaaway han pagparetrato, sugad han sumat han Sakristan Mayor ha Anti
polo, ngan kun nangingisog dagos pag-iitom sugad hin kamagong, ba man an iba nga kabirhinan maghuruhumok an
kasingkasing ngan magpinasayluon: dayag ito nga may
mga tawo nga nagapillugod paghigugma han hadi nga nagbubuutbuot la, diri lugod han hadi nga nagpapasugot su
gad han kaburut’on han bungto, sumala hira Luis XIV ngan
hi Luis XVI, hira Felipe II ngan hi Amadeo I. Tingali man
liwat ada tungod hini an panhihikit’i didto hito nga bantugan nga singbahan ha Antipolo hin mga kainsikan nga diri
binunyagan nga namamagluhod paglakat, sugad man kakatsilaan, kundi an diri la hinsasabutan kay ano nga an kapadian didto nanmamalagiw dara an salapi hiton makatarag-ob nga ladawan, nagpapasingadto ha Amerika ngan
didto nagpapangasawa.
Adto nga purtahan didto ha ruwang nga natatabunan
hin biray, agian adto ngadto hin usa nga pangaradian nga
diri gud nakukulang dida hin usa nga balay nga pilipinhon:
aadto didto an kadiyusan ni Kapitan Tiyago, sinisiring ta
nga kadiyusan kay ini nga tawo baga dapit may kahilig
niya han pagtoo hin damo nga Dios, waray pa pakatukib
han pagtoo hin uusa la.(,|) Didto panhihiagian in mga lada
wan han Sagrada Familia nga marpil iton mga kamot,
Page:An-Kaduntan-Han-Bungto-ni-Jose-Rizal-1962.pdf/46
This page has not been proofread.