451
Hi Ibarra nakurog. nag-iinggat an iya mga mata.
Inmagi hira ha tungod han Palasyo han Heneral ngan inmabat hira nga nagkakalilisang an mga sundalo nga bantay.
—Sinabot na ada an imo pagkalagiw? — nagmugo hi Elias. —Higda, senyor, tatabunan ko ikaw hinin kumpay kay aada kita aagi ha tungod hiton Polborista, bangin umusa iton bantay nga duduha kita.
An baluto, sakayan nga manipis ngan gutiay ngan baga nagkakanap la ha tubig.
Sugad han natahapan ni Elias, pinaukoy hiya han bantay ngan ginpakianhan kun tikang diin.
—Tikang ha Manila dinmulong hin kumpay ngadto han mga oidor ngan ha mga kapadian, — binmaton sinubad an paningog han mga taga Pandakan.
Ginmawas in usa nga sarahinto ngan nag-usisa kun ano.
—Sulong! — nagsiring; — bangin ka pumasakay ha imo haluto hin bisan hino, ha? May usa nga preso nga nakapalagiw. Kun hidakpan mo ngan dad’on mo nganhi ha akon susukulan ta ikaw.
—Maupay, senyor; tipaunano an kahimo?
—Nasakita ngan maaram magkinatsila; ta, asya adto, kuydaw!
An baluto pinmaharayo. Hi Elias linmingi ngan say pa hinkit’an an lambeng han bantay nga natukdaw ha pang- pang.
—Mahiruhinay kita hin kanan usa kaminuto, — nagsiring hin gutiay nga tingog; igin-antaw an mga binutok nga sakate; — masulod kita ha salog ha Beata‘ basi kita pakasidngon nga taga Pena Francia. Hikikit’an mo an salog nga gin-awit ni Francisco Baltazar.
An bungto nakaturog ha sirong han masanag nga bulan. Hi Crisostomo binmuhat pagdayig han kamurayaw han kalangitan ug mga butang ngatanan. An salog haligutay ngan patag an mga ligid nga luob hin kumpay.
Ilinabog ni Elias an iya luran ngadto ha sagni, pinmurot hin halaba nga kawayan ngan kinmuha ha ilarom han kabanwaan hin pira nga baluyot nga waray sulod, Nagpadayon hira pagsakay.
—-Hi ikaw, senyor, an tag-iya han imo kaburut’on ngan
