457
Hi Maria Clara nagtiduok ngan lumuhod ha iya atubangan, ihinangad ha iya an nawong nga puno hin luna ngan namulong hin an tuman la nga binabati:
—May higugma ka pa ha akon?
—Inday!...
—Kun sugad. . . tabagi hi tatay ngan ayaw igpadayon, inin pagkasal ha akon! kay kun diri... tungod han ngaran han akon iroy igsusumpa ko ha imo nga mag-uunay ako!
Hi P. Damaso haros waray pagmamatuod han iya pinamamati.
—Han buhi pa hiya, — nagpadayon an daraga, —nakahunahuna ako hin pangahas kay naglaom ako ug tinmapod ako! Karuyag ko mabuhi basi ko hidunggan in sumat mahatungod ha iya . . . kundi yana nga patay na, waray ko na kinahanglan nga mabuhi ug mag-inantos!
Ini hinayhinay nga pag-asoy, gutiay la nga tingog, waray kaikag ngan waray upod nga luha.
—Kundi, lurong ka, diri ba hi Linares mauruupay kan . . . ?
—Han buhi pa hiya, nakakahtmo ako pagpakasal.. . gin-isip ko an pagpalagiw ngan pagbiling ha iya . . . katapos han bendisyon . . . hi tatay waray iba nga tuyo kundi pakig-urupod la . . . Yana nga patay na hiya magpapakamatay ako ugsa ako ngaranan nga asawa hin iba nga tawo... Han buhi pa hiya mahihimo ko in pagpakamaraot kay kalipayan ko gihapon an paghibaro nga hiya buhi ngan tingali nahanunumdom ha akon, yana nga patay na waray ko na iba nga pagpipilian kun diri an kombento o an lubnganan,
An paningog han daraga may dara nga karig-on salit hi P. Damaso nawad’an han kamalipayon ngan dagos pagpinanmurubuot.
—Nahaguema ka gud ha iya hin totoo?
Hi Maria Clara waray pagbaton. Hi Fr. Damaso tinmungok han ulo ngan waray na pagyakan.
—Anak ko! — nagyakan katapos, nag-uuruon an tingog; — pasaylua ako nga gintagan ta ikaw hin kasakitan, waray la ako sasabot. Gindumdom ko an imo kabubwa-
