Page:An-Kaduntan-Han-Bungto-ni-Jose-Rizal-1962.pdf/47

37 tiil ngan ulo tubtob ha dughan, salaming iton mga mata, haglaba iton pirok ngan kurong ug bulaw an buhok tigaman han kamaupay manhimo bin ladawan dida ha Sta. Cruz.(,) Mga cuadros al oleo nga bul-iw hin mga pintor ha Paco ngan Ermita,(6) nga nagpapahayag han pagsakita han mga baraan, mga milagro nga binuhat han Virgen ug iba pa; may Sta. Lucia nga nahangad han iya mga mata ha Langit ngan nabitbit hin pinggan nga may sulod nga duduha liwat nga mata nga may pirok ug kiray, sugad hiton hinkikit’an dida ha butnga hiton triyanggulo nga tigaman han pagkatulo katawo han Dios, kun dida man hiton mga lubnganan han mga taga Egipto; may S. Pascual Bayion, may S. Antonio de Padua nga may sutana nga ginggon<7) ngan nagtatangis nagkikinita hin usa nga Ninyo Jesus nga kinapitan-heneral an pamanapton, may kalo nga trespiko, may taklos nga espada ngan may sapin nga abot ha tuhod sugad hiton tikaradto pagtambong hiton sarayaw hin kabataan didto ha Madrid; ha pagsabot ni Kapitan Tiyago, an kahulugan hini, nga bisan idugang pa sa Dios ha iya kagamhanan an gahom hin usa nga Kapitan Heneral ha Pilipinas, pag-uuyagan la hiya gihapon han mga pransiskano sugad hin usa nga batabata. Panhihikit’an man liwat didto in usa nga S. Antonio Abad nga may tupad nga baktin nga pinakakasiring ni Kapitan Tiyago nga sama kamilagroso han mao nga santos nga iginkakatupad, salit diri hiya ginagamhan hin pagngaran la tuga nga baktin kundi criatura del santo senyor S. Antonio ;(8) in usa nga S. Fran­ cisco de Asis nga pipito in pako ngan mayahon an sul-ot nga sutana, nga nahababawbaw hin usa nga S. Vicente nga duduha la an pako kundi may dara nga kornetin; in usa nga S. Pedro Martir nga buka an ulo kay tinigbas hin talibong(9> hin usa nga tampalasan, talibong nga dinadara hin usa nga diri binunyagan nga nahapapaluhod, katupad hin usa liwat nga S. Pedro nga nagpapalong hin usa nga muros nga tingali hi Malco nga nakagat han im-im ug nahilod hin kasuol, igo la nga natugaok ug naparapara han iya mga pa­ ko in usa nga hinigutan nga manok ha bawbaw hin usa nga lurungan nga dorico (I0) dida hini hi Kapitan Tiyago nakakasiring nga magsama la kun an tawo manamad, kun say man panamaron, magsasantos gihapon. Hino in makakagsumat han kadam’an didto nga mga ladawan ug makag-asoy han mga kaupayan ug kabaraanan nga didto natitirok? Diri