460
nag-uuyag ha harani hin usa liwat nga bata nga lalaki nga duason, masamdong an dagway, dagko an mga mata ug matarom an paniplat, nalingkod ha usa nga batang. Dida han iya magasa nga pamayhon hikikilal’an ta an anak ni
Sisa, hi Basilio, an bugto ni Crispin.
—Mag-upay ngani iton imo tiil,— nasiring an babayi, —pagpiko kita hin piutay, ako in mapiot.
—Upod ha amon ngadto ha sampaw,— nasiring man an bata nga lalaki, —basi ka didto uminom hin dugo hin bugsok nga hinirisan hin kidya basi ka tumambok, kay tututduan ta ikaw hin pag-arualapon dida hiton mga bato nga gin-aambakan han mga sulog.
Hi Basilio tinmawa hin masamdong, sinmiplat han kasamdan ha iya tiil ngan sumiplat ngadto han adlaw nga naglalalaga.
—Igsudoy ini nga silhig, —— nagtugon han daraga an apoy, —ngan ipalit hin bisan la ano inin imo kabugtuan kay aadi pasko.
—Libintador akon, libintador!— nagsiring an lalakihay.
—Ako ulo hinin akon batabata!— nagsiring an babayihay nga ginmunit ha tapis(2) ni iya mana,
—Ikaw, ano man imo?— ginpakianhan hi Basilio han lagas.
Nagtalinguha ini pagbuhat, naghihimakuri, ngan dumaop han tigurang.
—Mamoy, — nganiya, —matuod nga nasakit ako hin kapin hin usa kabulan?
—Tikang ka namon hiagian nga nauunop ngan luob hin kasamdan ngada yana nakaduha na pagkadayaw;(3) hunahuna namon mamatay ka...
—Dios in magbayad ha iyo; uraura kami hin kamakaluluoy!— binmaton hi Basilio; —kundi, yana kay pasko man, buot ako tumugbong pagkita kan nanay ngan han akon bugto nga lalakihay. Ginbibiniling gud yana ako nira.
Kundi, intoy malaymay ka pa ngan iton imo bungto harayo; diri ka maabot ngadto ngada ha magkatutnga
—Waray sapayan, mamoy! Hi nanay ngan hadin akon bugto tingali yana waray kalipay; ha ngatanan nga tuig tirok kami hini nga adlaw .. . hadton inmagi nga sugad hini nangaon kami hin usa kabug-os nga isada kami nga tulo . . - hi manay nagtitinangis gud hani pagpinamiling ha akon.
