kundi pati han kababayin'an nga kalagasan ngan kabataan.
Ambot kun mga buhi pa an aton mga kilala didto ha bungto ha San Diego, kun waray lugaring pagkamamatay han pagbuto han bapor LIPA nga parakadto hadto nga lalawigan. Tungod kay waray man may nalisang pangin- sayod kun hira hino adto nga nanhiunong hadto nga pag- buto kun kanda kanay adto mga paa, mga butkon, nga nag- sasarang didto ha Puro ha Comvalecencia ngan didto ha dap- lin han salog, waray naton yana kalibutan kun nahaupod ba didto in kilala han aton mga bumarasa. Igo na namon ig- pasalamat, sama han Pamunuan ug han mga pahayagan hadto, an kasayod nga an uusa la nga prayle nga sakay han bapor nahagawas ngan waray na namon gin-uungara nga bisan pa ano. An ginkakasuruk'an gud namon nga hihi- rutan asya an kinabuhi han mga maghadong nga kapadian nga itugot kunta sa Dios nga managhadi ha Pilipinas ha kamaihaan nga panahon basi ha kaupayan han aton mga kalag.
Waray na may hinsayuran mahatungod kan Maria Clara nga bisan pa ano, sapayan han sumat nga daw sugad kuno hin aadto na ha ilarom hin lubnganan. Nagpakiana kami hin mga tawo nga may mga kagahaman ha sakob han birilhon nga kombento ha Santa Clara, kundi waray ha amon may pinmaid pagsumat bisan mausa kapulóng, waray gud bisan an mga yangbatan nga magpakidiyos nga kababayin'an nga nakarawat han bantog nga piniritos nga atay hin manok ngan han labi pa kabantog nga tunluban nga ginngangaranan nga salsa de las monjas, nga linuto han makinaadmananon nga parapanluto han mga birhen han Ginoo.
Kundi!
Usa kagab-i han bulan ha Septyembre, nahinagubuhob an bagyo ug nahinarapas dida han mga pirok han dagko nga balay ha Manila; an dalugdog nahinarangkaol ha ikina- girugihot an mga kikidlat ug mga lilinti danay magtiwak- ha tigdalikyat han agi han hangin nga ikinababaraka hin diri samahan han mga tawo. Diri harumamay an uran. Ha usa kapagkikidlat danay makita in usa nga atop, usa nga sada nga ilinulupad ug naghuhurampang tipaubos: waray kinikita nga sarakyan ug maglalakat ha mga dalan. Kun napapapas na an kinanuog han dalugdog didto ha hirayo. nababati an dapit pagharoy han hangin nga say naglalapdos
