han uran ug say nakakapataratak han mga turo dida han
mga kapis han tangbuanan nga sinadhan.
May duduha nga sundalo nga naninirong dida han balay nga gintitindog ha harani han kombento: asya in usa nga raso ngan hin usa nga kabo distinguido:
—Mag-iinano kita dinhi?-ngani han raso; —waray may nagpapanlakatlakat... angay kita sumaka hin usa nga balay; iton akon iginkakaupod aada uukoy ha dalan Arzobispo.
—Harayo ngadto, maghuhurulos kita,—binmaton an kabo.
—Kay maano ito, diri la kita pamatayon hinin lilinti?
—Ah! kahadlok mo man; inin mga monghas may ada ito hira dakop hin linti nga diri hira say pudkan.
—Oo-ngani han raso, kundi, ano in pulos hito hin aadi masirom adin gab-i?
Ngan sumiplat ha igbaw han kasisidman; hadto nga- haw kinmislap in usa nga kikidlat nga sinundan hin dako nga lilinti.
—Hiyay! Susmaryosep! —(4) nakasiring an sundalo nga nangudos ngan binugnot an iya kaupod.-Tana!
—Inaano ka?
—Tana, tana kita! nagtitilib an mga ngipon han ka- hadlok.
—Ano imo hinkit'an?
—Usa nga makaharadlok! nakasiring nangungurog.
—Makaharadlok?
—Didto ha bubong . . . an mongha ada ito nga pa- ratirok hin baga kun mga magkatutnga.
An kabo hinmiling man kay karuyag kumita.
Kinmislap liwat in usa nga kikidlat ngan nagkugis han langit in kalayo ngan sinundan hin makalilisang nga kanuog.
—Hesus! nakasiring ngan mangudos man liwat. Matuod man gud; dida han masilaw nga pawa han kikidlat iya kinita in natukdaw nga mabusag didto ha bu- bong han atop, nga nahangad ug nasiplat ha langit han mga mata ngan natigbaw han kamot daw an nangangaraba. An langit nabaton la hin mga lilinti ug mga dalugdog!
Sunod han dalugdog binati in usa nga malanoy nga pagharoy.
—Diri daw adi hangin, balo daw adi! sinmiring an raso dapit pagbaton han gumos ha iya kamot han iya kaupod.
