"Hay! haay!" binabati gud nga nalutod dida han ha- rapas han uran; an hagubuhob han hangin waray pakaka- bagi hadto nga matam-is ug makapapaid nga tingog nga puno hin kasakit.
Nag-idlap liwat in usa nga mabislaw nga kikidlat.
—Diri, diri ito panulay! nakasiring an kabo; aadto hinkikit'an ko, mahusay baga an Birhen . . . Tana, igpapasabot ta!
An raso waray na paghulat hin ikaduha nga siring, ngan hira ngaduha nagkalakat.
Hino adto nga naghaharoy ha butnga han gab-i bisan duro an hangin, an uran ug an lilinti? Hino ba adto nga uray nga asawa ni Hesukristo nga natigi han bagyo ug na- pili han makangingirhat nga gab-i ug han kahaluagan nga langit ha pagluwas, tikang didto hin usa nga kahitas'an nga kataragman, han iya mga sumbong sa Dios? Tinalikdan ba han Ginoo an iya altar ha sakob han kombento ngan diri na namamati han mga pangamuyo? Nakakasagpo ba an atop han mga hingyap han kalag nga sumaka ngadto han lingkuran han Maginluuyon?
An bagyo kinmusog han bug-os nga gab-i; waray gud inmidlap nga bituon; an mga haroy nga magpakapapaid, sakot han ngurob han hangin, waray pagbanaos, kundi pi- nakabunglan la han Kalibutan ug han mga tawo; an Dios nag-agma kundi waray pakabati.
Han kabuwas, han malinaw na an langit ug nasirang na hin mapawa an adlaw, may inmukoy nga usa nga sa- rakyan ha tungod han purtahan han kombnto ha Santa Clara, nga 'hinawasan hin usa katawo nga nagpakilala nga usa hiya nga punuan ngan nangaro nga igkahimangraw dayon han abadesa ngan hin pagkita man han ngatanan nga monghas.
Sumat nga dinmaop in usa nga mongha nga naghu- hurulos ngan gurayguray an sukrob, nagtitinangis ngan nag- sisinumat hin magpakalilisang nga asoy ngan nangaro nga katabagan hiya hadto nga punuan patok han mga panalum- pigos ha sakob han kombento. Sumat man liwat nga ini nga mongha mahusay nga waray sanglit, nga labi pa hin ka- mahusay an mga mata nga waray na masugad.
Waray la igbali han punuan; nakighinimangraw la han abadesa ngan talikdan, bisan duro an paglinuha ug pa- kimaluoy. An batan'on nga mongha nagkinita na la nga
