44
Damaso ngan kan D. Rafael Ibarra, an ginmamanggarani
nga tawo didto hadto nga bungto.
An kawaray nira sumurunod ha sulod han siyahan nga
unom katuig nga ira pagkaasawa asya an nasugaran nga
maginkasurusnan an ira duro nga pangahas pagtinirok bin
damo nga manggad; ito ngani nga hi Da. Pia mabaysay,
maupay in lawas ngan makaruruyag in tindog. Kawang la
an ira mga pagnobena, an ira pagduaw han Virgen ha Kaysasay, (30) didto ha Taal tungod han sagdon han mga parapangadi ha S. Diego, an ira pagpinanlimos, an ira pagsayaw
dida han prusisyon, duro an sirak han adlaw ha Mayo, ha
atubangan han Virgen ha Turumba didto ha Pakil.(3I) Waray gud ano man nga ginpulsan tubtob ngada han pagsagdon na ni Fr. Damaso nga makadto ha Obando ngan sinmayaw didto han kaadlawan ni S. Pascual Bailon(32) ngan
nangaro hin usa nga anak. Sinasabot nga didto ha Obando
may tutulo nga duruawon nga ladawan nga nanhahatag hin
anak han hino man mga mangaro, magpipili la kun babayi,
kun lalaki, amo an Ntra. Senyora de Salambao, hi Sta. Clara
ngan hi S. Pascual. Salamat hini nga makinaadmananon
nga sagdon hi Da. Pia nagmabdos. . . kundi hay! sugad han
parapangawil nga hinnanabihan ni Shakespeare dida han iya
“Macbefh’ nga hinmunong pag-awit han pakaagi hin damo
nga manggad, hiya nawad’an han kamalipayon, nagminasamdong ngan waray na hikit’i nga humiyom. “Mga pangipa
hin burod!”(33) nasiring an iba, pati hi Kapitan Tiyago. Usa
nga hiranat nga binati ha pag-anak asya an hin-unungan ug
natapusan han iya mga kasamdong, ug dida hini nailo in usa
nga puya nga babayi nga say la ngahaw hi P. Damaso an
nanganak pagbunyag; ug tungod kay diri man say hi S.
Pascual an hinmatag hadto nga anak, kay diri man lalaki,
an bata ginngaranan kan Maria Clara pagpasidungog han
Virgen ha Salambaw ug kan Sta. Clara, ngan dapit man
liwat pagpahimaan ha kahilom han dungganan nga S. Pas
cual Bayion.
An bata nagtubo dida kan iya dada Isabel, an maupay
in kaburut’on nga tigurang nga pinarayle an pamatasan nga
aton nakilala ha tinikangan; didto hiya ig-ukoy ha S. Diego,
ha kaudgan han tuig, tungod han pag-ayon didto han iya
lawas: labot pa ginhuhugay hiya ni P. Damaso hin mga
kaliawan.
Hi Maria Clara waray supo han gudti nga mata ni iya
itay, say sinupuhan an kanan iroy niya„ dagko, mag-itom,
Page:An-Kaduntan-Han-Bungto-ni-Jose-Rizal-1962.pdf/54
This page has not been proofread.