47
nga nalabay, nakakapakulba han daraga ngan nakakapangimbig. Hay! yana karuyag niya liwat bumalik ngadto
han mamingaw nga beateryo, nagdto han iya kasangkayan! Didto makakahimo hiya pagsiplat ha iya bin waray
kulba, hin waray kapihaw! Kundi, di ba adto hiya imo
sangkay ha pagkabata, di ba hadto parauyag kamo hin
mga linurong nga uyag, ngan danay ngani kamo magaway? Kun ano an hinungdan hini ngatanan diri ako makakagsumat; kun ikaw nga nagbabasa nahagugma ka, masabot ka; kun waray, ta, kawang la igsumat ha imo: adton
waray mahagugma diri makakatukib hini nga mga katingalahan.
—Maria, ha akon pagsabot, matuod an pulong han
doktor, — an yakan ni Kapitan Tiyago. — Kinahanglan
makadto ka ha mga lalawigan kay duason ka, maupay magpahalibway ka hiton imo lawas. Maano mo an Malabon . . .
o San Diego?
Hini nga urhi nga bungto namula hi Maria Clara sugad hin takuranga ngan waray pakabaton.
—Yana ngahaw makadto kamo ngan hi Isabel ha Beaterio pagkuha han imo mga panapton ngan panamilit han
imo mga kasangkayan, — an padayon nga pulong ni Kapi
tan Tiyago, waray ihahangad an ulo, — diri ka na mabalik ngadto.
Hi Maria Clara inalpan hin usa nga kasamdong, iton
kasamdong nga nadangop ha aton kalag kun nabaya kita
hin usa nga aton gin-uukyan hin malipayon nga pag-ukoy;
kundi usa nga lain nga panhunahuna nakapapas dayon hini
nga kasamdong.
—Ngan ha sulod hin upat o lima kaadlaw, kun mamay
ada ka na bag-o nga dugnit, malakat kita ha Malabon . . .
An imo amay ha bunyag waray na didto ha San Diego; an
padi nga batan’on nga nakanhi kagab-i, nakakita ka man,
asya an bag-o didto nga padi, usa nga buutan nga padi.
—Naaruayon hi Maria didto ha San Diego, patod!—
sinmumpay hi Dada Isabel; — labot pa, mauruupay iton
aton didto balay, ngan tipagpapatron man ngani didto.
Hi Maria Clara buot humangkop kan iya dada, kundi
may hinbatian nga sarakyan nga inmukoy ha ira tungod
han balay, iginduruas dayon.
—Ah! matuod! — nagmugo hi Kapitan Tiyago, ngan
balhinon an tingog, namulong; —Hi D. Crisostomo!
Hinbuhian ni Maria Clara an iya buruhaton, karuyag
Page:An-Kaduntan-Han-Bungto-ni-Jose-Rizal-1962.pdf/57
This page has not been proofread.