48
niya magkiwa kundi waray hiya pakakahimo; mangibangkibang an iya kalawasan. Nadungog niya in mga pitad didto
ha hagdan ngan sinundan hin usa nga huyayag nga tingog
hin lalaki. Sugad hin ini nga tingog may gahom hin mahika, an daraga pinmuluspugos ngadto han pangaradian
nga sulod ngan tumago. An duha nga magpatod nagkatatawa, ngan hi Ibarra nakabati pa, han iya pag-uswag, han
paghagaklob han sada.
Ginduduas ngan naghihingahinga, dinun'an han daraga
an iya dughan ngan maghunahuna hin pamati. Nakabati han
tingog, hadto nga tingog nga hinigugma nga maiha na nga
panahon ha inop la niya babatia; adto nga tingog napakiana
kun hain hiya, an daraga. Tungod han dako nga kalipay
hinadkan niya an santo nga nahaharani, hi San Antonio
Abad(3) — palaran nga santos tikang han buhi pa ngada
nga kahoy na tungod han maghusay nga namamagpanulay
ha iya! — Katima magbiling hin usa nga luho, an kaluhuan
han yawihan, nga hihilngan ug pag-iinawan ha iya; hiya, an
daraga, naghihipahiyom, ngan han pagkuhaa ha iya ni iya
dada didto han iya gin-iinawan, waray sabot kun ano an
iya nabuhat, kinmapyot dida ha liog han lagas ngan pagpadimusan hin harok.
—Oy, lurong, inaano ka? — n.akapakiana ngahaw an
tigurang dungan an pamahid hin usa nga luha dida han iya
kuros na nga mga mata.
Hi Maria Clara nahakaalo ngan tinahuban an iya mga
mata han iya malison nga butkon.
—Hala, pag-ayad ngan tana!— an mainugayon nga
agda han lagas. —Igo ito kay nakikighimangraw yana kan
imo itay mahatungod ha imo . . . tana, ayaw papaghinulat.
An daraga pinmadara na la sugad hin usa nga buta,
ngan ngadto hira pagdayon han iya sulod.
Duro an himangraw nira Kapitan Tiyago ngan hi Ibarra
nga dumaraon hi Dada Isabel nga dapit nagsasaog han iya
umangkon nga ngadto paniniplat ha hirayo, diri ngada
han mga tawo.
Ano an ginsipaghisiring hadto nga duha nga kalag
nga naggisabot ha mata, paggisabot nga mauruupay pa
ngani han ha im-im kay asya an yinaknan han kalag, basi
an tingog diri makaliga han kasingkasing? Dida hito nga
dalikyat, kun an mga kasingkasing hin duduha nga nagsisihigugma nagkakasabot ha paniplat, an mga pulong mahinay, di haros maluwas, kun maluwas, an tuman la nga
Page:An-Kaduntan-Han-Bungto-ni-Jose-Rizal-1962.pdf/58
This page has not been proofread.