52
han imo paghigugma, ha akon mga mala haros nakakahatag hin kabuhi han burong ug nakakahatag bin kapaso han yelo! Didto ha Italia, an matahom nga langit ha Italia, tungod han iya kamahawan ug katurukibon, naglaladawan ha akon han imo mga mata; an iya maglipayon nga mga taran-awon masugadsugad han imo panhiyom, sugad man an mga kapatagan ha Andalucia ngan han iya harupoy nga maamhot nga tugob hin mga hinumduman dinhi ha sidlangan, puno hin mga siday ug mga kasilaw, nakakapanumdom ha akon han imo paghigugma! Kun mga bulanon nga gab-i, hadton madalumdom nga bulan, kun magsakaysakay ako hin usa nga sakayanay ha salog han Rhin, danay ako makapakiana ha akon ngahaw kun diri ba matuod nga nakikita ta ikaw ha butnga han mga alamos didto ha pangpang, ha bawbaw han bato ha LorelayJ'” kun ha butnga man han mga balod, nga nagkakanta han kamingawan han gab-i daw hada nga manlilipay kay nagliliaw han mga kasamdong hadto nga mga baya nga palasyo. —Waray ako paghisakaysakay sugad ha imo, waray ko kilala nga karadtuan kundi an imo la bungto, an Manila ngan han Antipolo,(!0) — an baton ni Maria Clara, malipayon kay natuod han ngatanan nga iya sumat; —kundi tikang ako manamilit ha imo pagsulod na ngadto ha Beaterio, nagdumdom gihapon ako ha imo ngan waray ta ikaw hingalimti, bisan kun ginsugo ako han padi nga akon kumpisalan nga hingalimtan ta ikaw ngan gintagan pa ngani ako hin damo nga penitencia. Nahanunumdom ako han aton mga uyag, han aton mga away-away han gudti pa kita. Nagpipili ka han magpakaruruyag nga buskay(11) nga isiriklot;(12) namimiling ka didto ha salog han ligpurukay ug maghamisay nga bato nga ikurudo;(12) kundi uraura ka hin kadiri maaram magkudo, linulupigan ta ikaw, salit masukot ta ikaw mapitos,<3) matuod diri ko la dinuduro kay naluluoy ako ha imo. Ha sungka(14) malimbong ka hin duro, labi ka pa ha akon kamalimbong, ngan danay kita mag-agaway han mga bato. Nahanunumdom ka han kasina mo hin tuudtuod? Hadto imo gud ako ginbido nga uraura, kundi unina han hinnunumduman ko na ito didto ha Beaterio nahakakatawa ako, ngan ginhihingyap ko na liwat nga magkauyag pa unta kita basi kita liwat magaway. . . ngan magsangkay liwat dayon. Kabataan pa gud kita hadto: nag-urupod kita ngan hi imo nanay pa-
