66
—Ta, maaram ka na! — nasiring an pransiskano han
pag-ilulusad. —Ini ngatanan nahihirutan unta kun imo ako
anay hadto pinakisagdunan, kun waray ka hadto ha akon
paglirong han pagpakianhi ko ha imo. Talinguhaa in diri
na pagliwat han sugad nga kalinurungan J
Ngan tapod
la ha iya amay ha bunyag.
Hi Kapitan Tiyago nagbalikbalik nakaduha, kun nakatulo ba, han ruwang, nagpipinainuino ngan naghihinayhayon; waray kaiha, baga sugad hin inalpan hin maupay
nga panhunahuna, dinmalagan ngadto han pangaradian nga
sulod, pinamarong an mga tagdok nga kandila pati lanterna nga iya pinapamaruktan ha panabag kan Ibarra ha paglalaktan.
—May panahon pa kay harayo adto nga paglalaktan,
— nganiya pa.
X.
AN BUNGTO
Dapit nahadadaplin han danaw an San Diego,(1) nabubutnga hin kaumhan ug kahagnaan.(2) Nagpapadara ngadto ha gawas hin asukar, bugas, kape ngan mga prutas kun diri lugaring iginbabaligya hin barato la ha kainsikan(3) nga amo an namamagpahimulos han kalurong ug kabisyoso han mga parauma. Kun mga mag-upay nga kaadlawon, nananaka an kabataan ngadto ha tarimpungayan han lingganayan nga ginaabot na panudki han mga banwa ug mga balagon, namamaggugliat hira didto ha igbaw dara han panhikalipay pagtan-aw han makaruruyag didto nga mga kiritaon. Tagsa ha ira nahatutultol pagtudlok han ira lugaringon nga payag didto hadton magkadilain nga atop nga ira ginkikita nga may pawod, may sim, may tiha, ngan may idyok man,H) ngan usausa may ada ha luyo sakob ug tanaman. Bisan ano nahihimo nira nga tigaman: usa nga kahoy, an tamarindo nga gamayay an dahon, an lubi(5) nga ginbubug-atan han bunga, masugadsugad kan Astarte nga himunganak, o kan Diana man ha Epheso nga nagtuturutungbaw an mga suso; usa nga kawayan(6) nga malubay, usa nga puno hin bunga, usa nga kudos. Aadto an salog nga daw dako nga halas nga salaming nga nahangangaturog ha malunghaw nga banig; ha lat-anglat-ang napakuros han iya sulog an nangagantod nga dagko nga bato nga nanhihilubong didto
