77
ngan waray la tabuntabon nga mga katulanan. Dida ha
mga luyuluyo pinanhihikit’an in mga bag-o pa la nga
binukaran: nganhi dapit may linulundan han tuna, ngadto
ha uruunhanay may nabungdo. Magrampag kaupay an mga
kilitis ug mga kulungkugon-ha-ayam; an kilitis kay basi may
manhitunok nga mga bitiis, an kulungkugon-ha-ayam kay
basi makadugang han baho ha panlubnganan kun daw diri
pa igo didto an baho. Kundi may ada gad man nakakasamay han banwa nga mga gudti nga bukad nga, sugad hadto nga mga bagulbagol, an Dios la in nakilala ha ira: mga
bukad nga labsagon an hiyom han ira mga rahundahon
ngan an ira alimyon, alimyon la hin mga lubnganan. An
banwa ngan han mga balagon say naguop han kapiliwan,
namamagkantay ha mga kuta ug nanngangapyot ha mga
pantiyon, ira ginbabaduan ngan ginpapahusay an lubas
nga karaksutan; usahay nanunulod ngadto han mga kagihaan nga agi han linog, unay pagtabon didto han mga talahuron nga kalungagan han mga lubnganan.
Ha uras nga aton isinusulod gintatabog na han kalalakin’an an kahayupan didto ha sakob; nanhihibilin na la didto
in usa, duha nga baktin nga kay mananap man gud nga
makuri sagdunan naghihinatahata pa dida han mga kagihaan han alad, ihinahangad an iya simod ngan isinisiplat
an iya gudti nga mata ngadto hin usa nga babayi nga nangangadi ha harani, baga sugad hin nasiring:
—Ayaw ubusa pagkaon, salini ako, ha?
May duduha katawo nga nagkukutkot hin lubnganan
ha tungod hin usa nga kuta nga nag-iikatirimpag: an usa
nga amo an kamposantero waray la kaalantad, nanwawaklit
hin mga gutuguto ug mga tulan paluyuluyo sugad
hin usa nga magmarangno hin tanaman nga nanmimilak
hin mga bato ug mga kagingking; an usa, kay diri pa hiara,
baga nakiot, iginpapamamalhas, natabako ngan masukot lumura.
—Uy!— nagmugo hin tinag-alog an nagtatabako. —
Diri ba maupay kun didto kita pagkutkot ha uruunhan?
Bag-o pa ini kaupay!
—Ngatanan dinhi magsarama bag-o, — nabaton an
kamposantero.
—Diri na ako mailobl Ito nga tulan nga imo nautod
nagdudugo pa . . . hm! ngan iton mga buhok!
—Uraura ka man! — sinmuson an usa. —Lupig pa
Page:An-Kaduntan-Han-Bungto-ni-Jose-Rizal-1962.pdf/87
This page has not been proofread.