47
10 Asin pinagpadoloc sa saiya an magña tauo, na sinabihan sinda, hinaniogon nindo asin saboton nindo.
11 Bacô na an naglalaog sa gñoso an nacacaolaquit sa tauo, cundi an nagluluas sa gñoso; ini iyo an nacacaolaquit sa tauo.
12 Dagñan nagdoroloc sa saiya an magña discipulo, na nagsarabi saiya, ¿Nacacaisi ca na an magña Fariseo can magcadaragñog ining tataramon nagcararaot an boot?
13 Tará sia nagsimbag, na sominabi, An gabos na tinanom na an sacong Ama sa lagnit day nia itinanom, gagaboton.
14 Pabayaan nindo sinda: iyo an magña botá, paramondâ nin magña botá; asin cun an botá magmondá sa cápua botá, an magcasi botá, mahoholog sa cotcot.
15 Si Pedro gñani nagsimbag, na sinabihan sia, Isaysay mo sa samo ining halimbaua,
16 Asin si Jesús nagsabi, ¿Camo man day pa guiraray nin pag-isip?
17 Day nindo na sasabotan pa na an gabos na minalaog sa gñoso minadagos sa tulac, asin inaapon sa lugar na hilom?
18 Tará an minaluas sa gñosó, sa puso minaguican; asin ini iyo an nacacaolaquit sa tauo.
19 Huli ta sa pusó minaguican an magña maraot na pag-isip, magña pag-gadan sa capua, magña pagsambayan sa magaragom, magña sarambayan, magña pagharábon, magña pagsaracsi na putic, magña pagrapsac ó pagrauay.
20 Ining magña ini iyo an magña bagay na nacacaolaquit sa tauo; tará an pagcacan na day maghanao can magña camot day nacacaolaquit sa tauo.
21 Asin pagbalé dihan ni Jesús, napadumán sa sacop nin Tiro asin nin Sidon.
22 Asin uya digdi an sarong babayeng taga Canaan, sa magña cagabasan ó garabas na idto, nagluas sa dalan, nagcucurahao, na nag-sabi, Cagurangnan, Aqui ni David, caheraqui aco; an sacong áqui na babaye pinasasaquitan na macuri nin sarong demonio.