7 Asin naghuhulit sia, na nagsabi, madigdi sa hurihan co an labi pa sa sacô ca macacamhan, na alagñán gñani acó sa pag docò na maghubad can bogcos nin saiyang sapin.
8 Acó binoniagan ta camó sa tubig; alagad sia an mabuniag sasaindo sa Espiritu Santo.
9 Asin nangyari caidtong magña aldao na si Jesús halê sa Nazaret sa Galilea, asin binoniagan sia ni Juan sa Jordán.
10 Asin iyo idto, can pag-itaas sa tubig, nahiling nia na buminocás an lagñit, asin an Espiritu Santo, nagarong salampati, nagbilig pasiring saiya:
11 Asin igua nin sarong tigñog na halê sa calagñitan, na nagsabi: ¡Icá an sacuyang namomótan na Aqui, sa saimo naoogma acó!
12 Asin tolos man saná an Espiritu pinirit sia na pumaduman sa patag.
13 Asin nagontóc sia sa patag apat na polong aldao na sinugutan sia ni Satanás; asin casararo nia an magña hayop na mabagñis: asin an inagña ángeles pinaglilincodan sia.
14 Alagad pacatapus can paglaogan qui Juan sa cárcel, si Jesús nagbalic sa Galilea, naghuhulit can evangelio nin Dios,
15 asin nagsabi, An panahón naotob-na, asin nagharanina an cahadêan nin Dios: nagsol-sól camó, asin magturubód can evangelio.
16 Asin paglacao nia sa baybayon nin dágat nin Galilea, nahiling si Simón asin si Andrés na tugang caini na hinoholog ninda an hicót sa dágat: huli ta sindá magña para-sirâ.
17 Asin sinabihan sindá ni Jesús, Madiá camó sa hurihan co, asin guiguibohon co na maguing para-sirâ camó qui tauo.
18 Asin tolos man saná pinabayaan an saindang magña hicot, asin nagsoronod saiya.
19 Asin pacalacao nin cadiquit sa oro-enotan, nahiling nia si Santiago aqui ni Zebedeo, asin si Juan na tugang nia, na
