4 Asin harani na an pascua, na capistahan nin magña Judio.
5 Can itinincalag ni Jesús an magña matá, asin can mahiling na an saróng daculang cadaclán nagdodoloc sa saiya, sinabihan si Felipe, ¿Saen quitá mag-babacal nin tinapay ta gñaning mag-caracan ini?
6 Ini isinabi nia sa pag-tocso saiya; tará sia man sana naiisihan na nia an guiguibohon nia.
7 Si Felipe sinimbag sia, Duang gatos na denario na tinapay day canigoan sa sainda, ta gñaning an lambang sarô macácacan nin cadiquit.
8 Nag-sabi saiya an saró nin si saiyang magña discipulo, si Andrés, tugang ni Simón Pedro:
9 Iguá nin barobatà digdi na may limáng tinapay na cebada asin duáng saradit na sirâ: alagad ini gurano pa ini sa cadaculan nin tauo?
10 Sinabihan ni Jesús, sinda: Patucauon nindo an magña tauo asin madoot sa lugar na idtó. Nag-turucao gñani si magña tauo, na may limang ribo an bilang.
11 Dagñan quinuá ni Jesús an magna tinapay, asin pacapag-pasalamat, binaragñâ sa magña discípulos, asin sinda sa magña nacatucao: asin siring man tinauán sinda nin si magña sirá, can boót ninda.
12 Asin can magña barasog na sinda, sinabihan an saiyang magña discipulo: Tiponon nindo an magña peredaso na nagcatarada, ta gñaning day manarâ.
13 Tiniripon gñani, asin nag-caparanó an cagduáng cararao nin si magña peredaso can limang tinapay na cebada, na nagcataradâ can magña nag-caracan.
14 Cayâ idtong magña tauo, can nahiling idtong tanda na guinibo ni Jesús, nag-sarabi, Ini iyó sa catotoohan an profeta na mapadigdi sa quinâban.
15 Si Jesús gñani, can mamasdan nia na mag-didirigdi ta aagauon sia sa capiritan, ta guiguibohon siang hade, nagłacao liuat pa buquid, sia saná.
* Denario-Anom na polô may pitong pisos.
